பலத்த சூறாவளி காற்று! தகரக் கொட்டகையை பிடிக்க முயன்ற இளைஞர்..... காற்றில் பறந்த அதிர்ச்சி வீடியோ! 74 பேர் பலி....மீட்பு பணிகள் தீவிரம்!!!
உத்தரப்பிரதேசத்தில் வீசிய கடும் புயலால் 74 பேர் உயிரிழந்த நிலையில், தகரக் கொட்டகையை பிடிக்க முயன்ற இளைஞர் காற்றில் தூக்கி வீசப்பட்ட வீடியோ வைரலாகியுள்ளது.
by
உத்தரப்பிரதேசத்தில் சமீபத்தில் தாக்கிய கடும் புயல் மற்றும் சூறாவளி பல பகுதிகளில் பெரும் சேதத்தை ஏற்படுத்தியுள்ளது. பலத்த காற்று, கனமழை காரணமாக இதுவரை சுமார் 74 பேர் உயிரிழந்துள்ளதாக தகவல்கள் வெளியாகியுள்ளன. இந்த நிலையில், புயலின் கொடூரத்தை வெளிப்படுத்தும் ஒரு வீடியோ சமூக வலைதளங்களில் வேகமாக பரவி வருகிறது.
தகரக் கொட்டகையுடன் காற்றில் தூக்கி வீசப்பட்ட இளைஞர்
வைரலாகும் அந்த வீடியோவில், பலத்த காற்றால் பறக்கத் தொடங்கிய தகரக் கொட்டகையை கீழே அழுத்தி பிடிக்க ஒரு இளைஞர் முயற்சிக்கிறார். ஆனால் காற்றின் வேகம் திடீரென அதிகரித்ததால், அந்த கொட்டகையுடனேயே அவர் பல அடி உயரத்திற்கு தூக்கி வீசப்படும் காட்சிகள் பதிவாகியுள்ளன.
அங்கிருந்தவர்கள் அதிர்ச்சியுடன் பார்த்துக் கொண்டிருக்க, சில நொடிகளில் அவர் கீழே விழும் காட்சியும் இடம்பெற்றுள்ளது. இந்த வீடியோ சமூக வலைதளங்களில் பெரும் பரபரப்பை ஏற்படுத்தியுள்ளது.
இதையும் படிங்க: நடுத்தெருவில் குழந்தைகள் விளையாடும் போது நடந்த பயங்கரம்! அலறி அடித்து சிதறி ஓடும் குழந்தைகள்... கொலை நடுங்க வைக்கும் வீடியோ..!!
கை, கால்களில் முறிவு
தகவலின்படி, கீழே விழுந்ததில் அந்த இளைஞருக்கு கை மற்றும் கால்களில் கடுமையான காயம் ஏற்பட்டுள்ளதாக கூறப்படுகிறது. உடனடியாக அருகிலிருந்தவர்கள் அவரை மீட்டு மருத்துவமனைக்கு அனுப்பினர். தற்போது அவர் சிகிச்சை பெற்று வருவதாக தகவல்கள் தெரிவிக்கின்றன.
புயல் போன்ற நேரங்களில் பாதுகாப்பின்றி தகரக் கொட்டகை அல்லது இரும்புத் தகடுகளை பிடிக்க முயல்வது மிகப்பெரிய ஆபத்தை ஏற்படுத்தும் என அதிகாரிகள் எச்சரித்து வருகின்றனர்.
மீட்புப் பணிகள் தீவிரம்
இதையடுத்து, உத்தரப்பிரதேசம் முழுவதும் புயலால் பாதிக்கப்பட்ட பகுதிகளில் மீட்புப் பணிகள் தீவிரப்படுத்தப்பட்டுள்ளன. சேதமடைந்த வீடுகள், மின்கம்பங்கள் மற்றும் சாலைகளை சீரமைக்கும் பணியும் தொடர்ந்து நடைபெற்று வருகிறது.
பல மாவட்டங்களில் மக்கள் பாதுகாப்பான இடங்களுக்கு மாற்றப்பட்டுள்ளதாகவும், அடுத்த சில நாட்கள் எச்சரிக்கையுடன் இருக்குமாறு வானிலை அதிகாரிகள் அறிவுறுத்தியுள்ளதாகவும் கூறப்படுகிறது.
இதையும் படிங்க: பலத்த சூறைக்காற்று! மாட்டை அவிழ்த்து விடும் அந்த நேரத்தில் துரத்திய மரணம்! நூலிழையில் உயிர் தப்பிய திகில் காட்சி!!!
