கால்வாயில் சாக்கு மூட்டையில் கிடந்த சடலம்..! திறந்த போது போலீஸ்கு காத்திருந்த அதிர்ச்சி... பகீர் வீடியோ..!!!
உத்தரப்பிரதேசத்தின் பஹ்ரைச் மாவட்ட கால்வாயில் சாக்கு மூட்டையில் கட்டப்பட்ட நிலையில் 30 வயது ஆகாஷின் சடலம் மீட்கப்பட்டது. குடும்பத்தினர் அடையாளம் கண்ட நிலையில், மரணத்திற்கான காரணம் குறித்து போலீசார் விசாரணை நடத்தி வருகின்றனர்.
by
உத்தரப்பிரதேச மாநிலம் பஹ்ரைச் மாவட்டத்தில் உள்ள கால்வாயில், சாக்கு மூட்டையில் கட்டப்பட்ட நிலையில் 30 வயது இளைஞரின் சடலம் கண்டெடுக்கப்பட்டுள்ளது. போலீசார் நடத்திய விசாரணையில், உயிரிழந்தவர் பஸ்தி மாவட்டத்தைச் சேர்ந்த ஆகாஷ் கசௌந்தன் என்பது தெரியவந்தது. அவரது மரணத்திற்கான காரணம் குறித்து போலீசார் தொடர்ந்து விசாரணை நடத்தி வருகின்றனர்.
கால்வாயில் சாக்கு மூட்டையில் கிடந்த சடலம்
பஹ்ரைச் மாவட்டம் மதாரா காவல் நிலைய எல்லைக்குட்பட்ட ஷங்கர்பூர் பகுதியில் உள்ள பைபர்ஹவா கால்வாயில் சடலம் கிடப்பதாக போலீசாருக்கு தகவல் கிடைத்தது. இதையடுத்து அங்கு சென்ற போலீசார், சாக்கு மூட்டையில் கட்டப்பட்டிருந்த இளைஞரின் உடலை மீட்டனர். விசாரணையில், உயிரிழந்தவர் பஸ்தி மாவட்டம் ருதௌலி காவல் நிலைய எல்லைக்குட்பட்ட காந்திரியா புசுர்க் பகுதியைச் சேர்ந்த ஆகாஷ் கசௌந்தன் (30) என்பது உறுதி செய்யப்பட்டது.
சமூக வலைதளப் புகைப்படம் மூலம் அடையாளம் கண்ட குடும்பத்தினர்
மும்பையின் போரி பகுதியில் கூலி வேலை செய்து வந்த ஆகாஷ், குஜராத்துக்குச் செல்வதாகக் குடும்பத்தினரிடம் கூறிவிட்டுச் சென்றுள்ளார். அதன்பிறகு அவர் குறித்த தகவல் கிடைக்காத நிலையில், சமூக வலைதளங்களில் பரவிய சடலத்தின் புகைப்படத்தைப் பார்த்த குடும்பத்தினர் அதிர்ச்சியடைந்தனர். பின்னர், நேற்று முன்தினம் சடலத்தைப் பார்த்து ஆகாஷ் என்பதை அடையாளம் கண்டதாகத் தெரிவிக்கப்பட்டுள்ளது.
மரணத்திற்கான காரணம் குறித்து போலீசார் விசாரணை
ஆகாஷ் எப்போது, எங்கு உயிரிழந்தார், அவரது உடல் கால்வாயில் வீசப்பட்டதா என்பன உள்ளிட்ட பல்வேறு கோணங்களில் போலீசார் விசாரித்து வருகின்றனர். அவரது மொபைல் போன் அழைப்பு விவரங்களையும் ஆய்வு செய்து, கடைசியாக யாருடன் தொடர்பில் இருந்தார் என்பதை கண்டறிய முயற்சி மேற்கொள்ளப்பட்டுள்ளது. பிரேதப் பரிசோதனை முடிவுகள் மற்றும் விசாரணையின் அடிப்படையில்தான் அவரது மரணத்திற்கான காரணம் தெளிவாகும்.
இதையும் படிங்க: 22 வயது இளம்பெண்ணை வரதட்சணை கொடுமைபடுத்தி கழுத்தை நெரித்து கொன்ற கணவன்! அத்தை வீட்டில் அதிகாலை 5 மணிக்கு நடந்த அதிர்ச்சி...!!!
