சின்ன பையன்னு கூட பார்க்காமல் இளம் பெண் இப்படியா செய்வது? இணையத்தில் வைரலாகும் வீடியோ!!
உத்தரப் பிரதேசம் பாக்பத் சந்தையில் சிறுவனைப் பெண் ஒருவர் தாக்கும் வீடியோ வைரலாகியுள்ளது. புகார் ஏதும் வராத நிலையில், போலீசார் தாமாக முன்வந்து விசாரணையைத் தொடங்கியுள்ளனர்.
by
உத்தரப் பிரதேச மாநிலம் பாக்பத் மாவட்டத்தில், பொதுச் சந்தையில் அமர்ந்திருந்த சிறுவனைப் பெண் ஒருவர் சரமாரியாகத் தாக்கும் வீடியோ சமூக வலைதளங்களில் வெளியாகி அதிர்ச்சியை ஏற்படுத்தியுள்ளது. சிறுவனின் முடியைப் பிடித்து இழுத்து, தலையை அழுத்தி அறையும் காட்சிகள் அதில் இடம்பெற்றுள்ளன. இதையடுத்து, பாக்பத் போலீசார் தாமாக முன்வந்து விசாரணையைத் தொடங்கியுள்ளனர்.
சந்தையின் நடுவே சிறுவனைத் தாக்கிய பெண்
பாக்பத் மாவட்டத்தின் பரோட் கோட்வாலி காவல் நிலைய எல்லைக்குட்பட்ட பரபரப்பான பொதுச் சந்தையில் இந்தச் சம்பவம் நடந்ததாகக் கூறப்படுகிறது. எக்ஸ் தளத்தில் பகிரப்பட்ட வீடியோவில், கருப்பு நிற மோட்டார் சைக்கிள் அருகே அமர்ந்திருக்கும் சிறுவனின் முடியைப் பிடித்து இழுக்கும் பெண், அவனது தலையைக் கீழே அழுத்தி தொடர்ந்து தாக்குகிறார்.
அருகில் இருந்த சிலர் பெண்ணைத் தடுத்து நிறுத்த முயன்றும், அவர் சிறுவனை அறைவதைத் தொடர்ந்ததாக வீடியோவில் தெரிகிறது. இந்தக் காட்சிகள் இணையத்தில் பரவியதைத் தொடர்ந்து, சிறுவன் தாக்கப்பட்டதற்கான காரணம் என்ன என்பது குறித்து பலரும் கேள்வி எழுப்பினர். சமூக ஆர்வலர்களும் பாக்பத் போலீசாரைக் குறியிட்டு, சம்பவம் குறித்து விசாரித்து உரிய நடவடிக்கை எடுக்க வலியுறுத்தினர்.
இதையும் படிங்க: என்ன ஜென்மம்டா நீ..? பசுவுக்கு காமக்கொடூரனால் அரங்கேறிய அதிர்ச்சி.. ! கொந்தளிப்பை உண்டாக்கும் வீடியோ..!!!
அதிகாரப்பூர்வ புகார் இல்லை; போலீசார் விசாரணை
இதுகுறித்து விளக்கம் அளித்த பாக்பத் மாவட்டக் காவல்துறை, சம்பந்தப்பட்ட பரோட் காவல் நிலையத்தில் பெண் குறித்தோ, சிறுவன் தாக்கப்பட்டது குறித்தோ இதுவரை அதிகாரப்பூர்வ புகார் எதுவும் அளிக்கப்படவில்லை எனத் தெரிவித்துள்ளது.
இருப்பினும், சமூக வலைதளங்களில் பரவும் வீடியோவின் அடிப்படையில் போலீசார் விசாரணையைத் தொடங்கியுள்ளனர். சிறுவனைத் தாக்கிய பெண் யார், அவருடைய பின்னணி என்ன, எதற்காக இந்தத் தாக்குதல் நடத்தப்பட்டது என்பதைக் கண்டறிய நடவடிக்கை எடுக்கப்பட்டு வருகிறது.
பெண்ணின் அடையாளத்தைக் கண்டறிய நடவடிக்கை
வீடியோவில் இடம்பெற்றுள்ள காட்சிகளை ஆய்வு செய்து, சம்பந்தப்பட்ட பெண்ணின் அடையாளத்தை உறுதி செய்ய போலீசார் முயன்று வருகின்றனர். விசாரணையின் முடிவில் குற்றச்செயல் உறுதி செய்யப்பட்டால், சம்பந்தப்பட்டவர் மீது சட்டப்படி நடவடிக்கை எடுக்கப்படும் எனக் காவல்துறை தெரிவித்துள்ளது. இதுவரை பெண்ணின் அடையாளம், சிறுவனின் நிலை மற்றும் தாக்குதலுக்கான காரணம் குறித்து அதிகாரப்பூர்வமான கூடுதல் தகவல்கள் வெளியாகவில்லை.
