என்ன ஒரு கேடி வேலை.. ஆசை வார்த்தை பேசி தொழிலதிபர்களுக்கு விரித்த வலை! அந்த ஸ்பெஷல் கெமிக்கலை ஊத்துன போதும்..! ரூ.500 நோட்டை வைத்து சுமார் 1.5 கோடி மாயாஜால மோசடி செய்த 2 பெண்கள்! அம்பலமான அதிர்ச்சி பின்னணி..!!!
தொழிலதிபர்களை குறிவைத்து கருப்புத் தாள்களை ரூ.500 நோட்டுகளாக மாற்றிக் காட்டி சுமார் ரூ.1.5 கோடி மோசடி செய்ததாக இரு பெண்கள் கைது செய்யப்பட்டுள்ளனர்.
by
பார்ப்பதற்கு அமைதியாகத் தெரிந்த இரு இளம் பெண்கள், தொழிலதிபர்களை குறிவைத்து நூதன முறையில் சுமார் ரூ.1.5 கோடி வரை மோசடி செய்ததாக காவல்துறையினர் தெரிவித்துள்ளனர். அழகாக பேசி நம்பிக்கையை ஏற்படுத்திய பின்னர், கருப்புச் சாயம் பூசப்பட்ட தாள்களை ரூ.500 நோட்டுகளாக மாற்றிக் காட்டியதாக கூறப்படுகிறது. இந்த வித்தையை நம்பிய பலர் பணத்தை இழந்த நிலையில், இரு பெண்களும் தற்போது கைது செய்யப்பட்டுள்ளனர்.
தொழிலதிபர்களை குறிவைத்து விரித்த வலை
முதலில் பண வசதி கொண்ட தொழிலதிபர்கள் மற்றும் ஆண்களிடம் பழகி அவர்களின் நம்பிக்கையை பெற்றதாக விசாரணையில் தெரியவந்துள்ளது. சில உண்மையான ரூ.500 நோட்டுகளை வைத்திருந்த அவர்கள், அதனுடன் கருப்புச் சாயம் பூசப்பட்ட தாள்களையும் பயன்படுத்தியுள்ளனர். இதன் மூலம் தங்களிடம் ஏதோ ஒரு ரகசிய முறையில் பணத்தை உருவாக்கும் திறன் இருப்பது போன்ற தோற்றத்தை ஏற்படுத்தியதாக கூறப்படுகிறது.
இதையும் படிங்க: திடீரென காணாமல் போன குழந்தைகள்! 12 நாட்களாக சிறுமிகளை தேடி அலைந்த பெற்றோர்... அந்த இடத்தில் இருந்த சிறுமிகள்! வைரலாகும் வீடியோ..!!!
‘சிறப்பு இரசாயனம்’ எனக் கூறி ஏமாற்று வித்தை
மோசடிக்கு இரையாகும் நபர்களை முழுமையாக நம்ப வைப்பதற்காக, கருப்புத் தாள்கள் மீது தங்களிடம் இருப்பதாக கூறிய ஒரு சிறப்பு இரசாயனத்தை ஊற்றியுள்ளனர். பின்னர் அந்தத் தாள்கள் உண்மையான ரூ.500 நோட்டுகளாக மாறியதாக காட்டியுள்ளனர். இந்த வித்தையை உண்மை என நம்பிய தொழிலதிபர்கள், இரசாயனம் மற்றும் கருப்புத் தாள்களை வாங்குவதற்காக பெரும் தொகையை கொடுத்ததாக போலீஸார் தெரிவித்துள்ளனர்.
சுமார் ரூ.1.5 கோடி மோசடி; இருவர் கைது
இவ்வாறு பலரை ஏமாற்றி சுமார் ரூ.1.5 கோடி வரை பணம் பெற்றதாக குற்றச்சாட்டு எழுந்துள்ளது. புகார்கள் மற்றும் கிடைத்த தகவல்களின் அடிப்படையில் காவல்துறையினர் விசாரணையை தீவிரப்படுத்தினர். இதையடுத்து நடத்தப்பட்ட தேடுதல் நடவடிக்கையில் இரு பெண்களும் கைது செய்யப்பட்டனர். அவர்களிடம் இருந்து மோசடிக்கு பயன்படுத்தப்பட்டதாக கூறப்படும் பொருட்கள் மற்றும் ஆவணங்கள் தொடர்பாகவும் போலீஸார் விசாரணை நடத்தி வருகின்றனர்.
