பப்பில் பீர் பாட்டிலுடன் ஆவேசமாக பேசிய சியா கோயல்! அவர் சொன்ன 'அந்த 'ஒரு வார்த்தை... கொலையின் பின்னணி இதுதானா?. வைரலாகும் வீடியோ.!!!

புனே அருகே உள்ள லோஹகாட் கோட்டையில் இளைஞர் கேதன் அகர்வால் கொலை செய்யப்பட்ட வழக்கு நாளுக்கு நாள் புதிய திருப்பங்களை சந்தித்து வருகிறது. இந்த வழக்கில் கைது செய்யப்பட்டுள்ள சியா கோயலின் பழைய வீடியோ ஒன்று தற்போது சமூக வலைதளங்களில் வேகமாக பரவி, புதிய விவாதங்களை கிளப்பியுள்ளது.

வைரலாகும் பப் வீடியோ

கொலை வழக்கில் கைது செய்யப்பட்ட 20 வயதான சியா கோயலும், அவரது காதலன் சேத்தன் சௌத்ரியும் போலீஸ் விசாரணையில் உள்ளனர். இதற்கிடையில், கடந்த 2025 டிசம்பரில் எடுக்கப்பட்டதாகக் கூறப்படும் ஒரு பப் வீடியோ இணையத்தில் வைரலாகி வருகிறது. அந்தக் காட்சியில், சியா கோயல் ஒரு கையில் பீர் பாட்டிலும் மற்றொரு கையில் செல்போனும் வைத்தபடி, உரத்த இசைக்கு மத்தியில் யாரிடமோ ஆவேசமாக பேசுவது பதிவாகியுள்ளது. மேலும், “முதலில் எனக்குத் துரோகம் செய்கிறான், பிறகு எனக்கே போன் செய்கிறான்” என்று இந்தியில் பேசும் காட்சிகளும் இடம்பெற்றுள்ளன.

இதையும் படிங்க: பெற்றோர் பேச்சை கேட்காமல் ஓடிப்போய் திருமணம் செய்தால் இப்படித்தானா? காதலித்து ஓடிப்போன காதல் ஜோடியின் வீடியோ வைரல்..!!!

விசாரணையில் வெளியாகும் தகவல்கள்

சில நாட்களுக்கு முன்பு, உயிரிழந்த கேதன் அகர்வாலின் தாய், சியாவுக்கு மது அருந்தும் பழக்கம் இருந்ததாகவும், அது குறித்து அவரது குடும்பத்தினருக்கு தெரிந்திருந்தும் தங்களிடம் தெரிவிக்கவில்லை என்றும் குற்றம்சாட்டியிருந்தார். தற்போது சமூக வலைதளங்களில் பரவி வரும் இந்த வீடியோவையும் அந்த குற்றச்சாட்டையும் இணைத்து பலரும் கருத்து தெரிவித்து வருகின்றனர். எனினும், வைரலாகும் வீடியோவின் சூழல் அல்லது அதிலுள்ள தகவல்கள் குறித்து அதிகாரப்பூர்வ உறுதிப்படுத்தல் வெளியாகவில்லை.

ராஜஸ்தானுக்கு செல்ல திட்டமிட்டதாக தகவல்

இதற்கிடையில், சேத்தன் சௌத்ரியின் நண்பர்களிடமும் போலீசார் விசாரணை நடத்தி வாக்குமூலம் பதிவு செய்துள்ளனர். அந்த வாக்குமூலத்தின் அடிப்படையில், சியாவும் சேத்தனும் சம்பவத்திற்குப் பிறகு ராஜஸ்தானில் புதிய வாழ்க்கையை தொடங்கி திருமணம் செய்து கொள்ள திட்டமிட்டிருந்ததாக தகவல்கள் வெளியாகியுள்ளன. சியா கோயல் தொடர்பான பழைய வீடியோக்கள் மற்றும் விசாரணையில் வெளிவரும் தகவல்கள் இந்த வழக்கை தொடர்ந்து பேசுபொருளாக மாற்றியுள்ளன. போலீசார் தொடர்ந்து பல்வேறு கோணங்களில் விசாரணை நடத்தி வருகின்றனர்.

இதையும் படிங்க: விஜய் - சங்கீதா குடும்ப பிரச்சனைகளுக்கு மத்தியில் வெளியான வீடியோ..! இணையத்தையே கலக்கும் தாய் - மகளின் அழகான காட்சி.!!!