BREAKING: சற்று முன்... 'சென்யார்' புயலால் கடும் தாக்கம்! சுமத்ராவில் நிலச்சரிவால் 10 பேர் பலி, 58 பேர் காயம்! தமிழகத்திற்கு சுமார் 2,600 கி. மீ தொலைவில் புயல்!

சென்யார் புயல் உருவானதையடுத்து தென்கிழக்கு ஆசியாவில் வானிலை ஆபத்து அதிகரித்துள்ள நிலையில், இந்தோனேசியாவின் சுமத்ரா தீவு கடுமையான தாக்கத்துக்கு உள்ளாகியுள்ளது. கனமழையுடன் ஏற்பட்ட நிலச்சரிவு பல உயிரிழப்புகளுக்கும் சேதங்களுக்கும் காரணமாகியுள்ளது.

சுமத்ராவில் சென்யார் புயலின் கடும் தாக்கம்

இன்று உருவான சென்யார் புயலால் சுமத்ரா தீவில் மிகுந்த கன மழை பெய்து வருகிறது. குறிப்பாக தபனுலி சிலாத்தான் பகுதியில் ஏற்பட்ட பெரும்பள்ளம் மற்றும் நிலச்சரிவு காரணமாக இதுவரை 10 பேர் உயிரிழந்துள்ளதாகவும், 58 பேர் காயமடைந்துள்ளதாகவும் AFP அதிர்ச்சி தகவலை வெளியிட்டுள்ளது.

இதையும் படிங்க: கனமழை எச்சரிக்கை… பள்ளிகளுக்கு விடுமுறையா?.. வெளியாகும் அறிவிப்பு…!

ஆயிரக்கணக்கானோர் முகாம்களில் தங்க வைக்கப்பட்டனர்

மழை மற்றும் நிலச்சரிவு காரணமாக சுமார் 2,851 குடும்பத்தினர் பாதுகாப்பு முகாம்களுக்கு மாற்றப்பட்டுள்ளனர். வீடுகள், சாலைகள், மற்றும் அடிப்படை வசதிகள் பலவும் பெருமளவில் சேதமடைந்துள்ளதாக ஆரம்ப தகவல்கள் தெரிவிக்கின்றன.

புயல் பாதை மற்றும் தமிழகத்துக்கு உள்ள தூரம்

சென்யார் புயல் தற்போது தமிழகத்திலிருந்து சுமார் 2,600 கிலோமீட்டர் தொலைவில் உள்ளது. இந்திய வானிலை ஆய்வு மையம் இந்த புயல் தமிழகத்துக்கு நேரடி ஆபத்து இல்லை என்றாலும், அதன் புறச்சுழற்சி காரணமாக சில பகுதிகளில் வானிலை மாறுபாடு ஏற்பட வாய்ப்புள்ளதாக கூறியுள்ளது.

சுமத்ராவில் உயிரிழப்பு மற்றும் சேதம் அதிகரித்து வரும் நிலையில், மீட்பு பணிகள் விரைவாக நடைபெற்று வருவது மட்டுமல்லாமல் புயல் முன்னேற்றம் தெற்காசிய நாடுகள் முழுவதும் கவனமாக கண்காணிக்கப்படுகிறது.

இதையும் படிங்க: கனமழை காரணமாக மேலும் 5 மாவட்ட பள்ளிகளுக்கு மட்டும் இன்று விடுமுறை..!!!