எதுக்குள்ள எமன் இருக்குதுன்னு பாருங்க...! ஸ்கூட்டரை ஸ்டார்ட் செய்தபோது கேட்ட வித்தியாசமான சத்தம்...! மெக்கானிக் கடைக்கு கொண்டு போன உரிமையாளர்க்கு காத்திருந்த பேரதிர்ச்சி! திகில் வீடியோ..!!!

பீகார் மாநிலத்தில் ஸ்கூட்டரின் இன்ஜின் பகுதியில் சுமார் 3 அடி நீள மலைப்பாம்பு சுருண்டு கிடந்தது பரபரப்பை ஏற்படுத்தியுள்ளது. ஸ்கூட்டரை ஸ்டார்ட் செய்தபோது வித்தியாசமான சத்தம் கேட்டதால், அதன் உரிமையாளர் மெக்கானிக் கடைக்குச் சென்றுள்ளார். அங்கு வண்டியைப் பிரித்துப் பார்த்தபோதுதான் உள்ளே பாம்பு இருந்தது தெரியவந்தது.

இன்ஜின் பகுதியில் சுருண்டு கிடந்த மலைப்பாம்பு

ஸ்கூட்டரை இயக்க முயன்றபோது உள்ளிருந்து வழக்கத்திற்கு மாறான சத்தம் கேட்டுள்ளது. இதனால் தொழில்நுட்பக் கோளாறு இருக்கலாம் என நினைத்த உரிமையாளர், வண்டியை மெக்கானிக் கடைக்கு எடுத்துச் சென்றார். அங்கு மெக்கானிக் ஸ்கூட்டரின் முன்பகுதியைத் திறந்து பார்த்தபோது, இன்ஜின் பகுதியில் சுமார் 3 அடி நீளமுள்ள மலைப்பாம்பு சுருண்டு கிடந்ததைக் கண்டு அதிர்ச்சியடைந்தார். இதைப் பார்த்த அங்கிருந்தவர்களும் பதற்றமடைந்தனர்.

இதையும் படிங்க: ஐயோ..! பெரிய குளக்கரையில் பேச்சு மூச்சு இல்லாமல் மயங்கிக் கிடந்த இளம்பெண்! நடந்தது என்ன..? பெரும் பரபரப்பு..!!!

அரை மணி நேரப் போராட்டத்துக்குப் பிறகு மீட்பு

இதையடுத்து வனத்துறையினருக்குத் தகவல் தெரிவிக்கப்பட்டது. அங்கு வந்த மீட்புக் குழுவினர், மெக்கானிக்கின் உதவியுடன் ஸ்கூட்டரின் சில பாகங்களைப் பிரித்து பாம்பை வெளியே எடுக்க முயன்றனர். இன்ஜின் வயர்களுக்கு இடையில் சிக்கியிருந்ததால், அதை மீட்க சுமார் அரை மணி நேரம் ஆனது. பின்னர் வனத்துறையினர் பாம்பைப் பாதுகாப்பாகப் பிடித்து எடுத்துச் சென்றனர். தொடர்ந்து அது வனப்பகுதியில் விடுவிக்கப்பட்டுள்ளது.

வாகனங்களை இயக்கும் முன் சரிபார்க்க அறிவுரை

குளிர்காலத்தில் வெப்பத்தைத் தேடி பாம்புகள் வாகனங்களின் இன்ஜின் பகுதிகள் மற்றும் டிக்கிக்குள் புகுந்து மறைந்துகொள்ள வாய்ப்புள்ளதாக வனத்துறையினர் எச்சரித்துள்ளனர். குறிப்பாக மரங்கள், புதர்கள் நிறைந்த இடங்களில் வாகனங்களை நிறுத்துபவர்கள், மீண்டும் வாகனத்தை இயக்குவதற்கு முன்பு இன்ஜின் உள்ளிட்ட மறைவான பகுதிகளைச் சரிபார்க்க வேண்டும் என்றும் அறிவுறுத்தியுள்ளனர். ஸ்கூட்டரில் கேட்ட வித்தியாசமான சத்தத்தை உரிமையாளர் அலட்சியப்படுத்தாமல் கவனித்ததால், ஏற்படவிருந்த ஆபத்து தவிர்க்கப்பட்டுள்ளது.

இதையும் படிங்க: வீட்டு வாசலில் இளைஞரை வீசி சென்ற மர்ம நபர்கள்! 25 வயது இளைஞர் துடிதுடித்த கொடூரம்....!!!