இரண்டு வருஷ முன் காதல் திருமணம்! அண்ணன் என்று கூறி ஏமாற்றிய மனைவி....கடைசியில் காதல் கணவருக்கு மனைவி கொடுத்த பெரிய ஷாக்!!!

கர்நாடகாவின் மாண்டியா மாவட்டத்தில் காதல் திருமணமாக தொடங்கிய வாழ்க்கை, எதிர்பாராத முறையில் சிக்கலில் முடிந்துள்ளது. கணவரின் நண்பருடன் பெண் ஓடி சென்று மறுமணம் செய்த சம்பவம் பரபரப்பை ஏற்படுத்தியுள்ளது. தற்போது இது குறித்து காவல்துறையில் புகார் பதிவு செய்யப்பட்டுள்ளது.

நண்பருடன் உருவான நெருக்கம்

மாண்டியா அருகே பன்னங்காடி கிராமத்தைச் சேர்ந்த ஆட்டோ ஓட்டுநர் சாகர், ரக்ஷிதா என்ற பெண்ணை காதலித்து இரண்டு ஆண்டுகளுக்கு முன்பு திருமணம் செய்திருந்தார். குடும்ப வாழ்க்கை இயல்பாக சென்றுகொண்டிருந்த நிலையில், சாகரின் நண்பரான இந்திராவுடன் ரக்ஷிதாவுக்கு பழக்கம் அதிகரித்தது. அவரை சாகரிடம் ‘சகோதரன்’ என அறிமுகப்படுத்தியிருந்தார் என்பது பின்னர் தெரியவந்துள்ளது.

பணம், நகைகளுடன் வெளியேறல்

தகவலின்படி, ரக்ஷிதா திடீரென வீட்டை விட்டு வெளியேறியுள்ளார். வெளியேறும் போது ₹1 லட்சம் ரொக்கமும், 22 கிராம் தங்க நகைகளையும் எடுத்துச் சென்றதாக கூறப்படுகிறது. இதையடுத்து, ஒரு கோவிலில் வைத்து இந்திராவை திருமணம் செய்து கொண்டதாக தகவல் வெளியாகியுள்ளது.

இதையும் படிங்க: வறுமையால் பிரிந்த காதல் தம்பதிகள்! கைக்குழந்தையுடன் காவல் நிலையத்தில் தர்ணாவில் ஈடுபட்ட பெண்! பரபரப்பு சம்பவம் !!!

வாட்ஸ்அப் பதிவு வெளிச்சம் போட்டது

இந்த நிகழ்வை பற்றி சாகருக்கு ஆரம்பத்தில் எந்த தகவலும் இல்லை. பின்னர் ரக்ஷிதா தனது புதிய திருமண புகைப்படங்களை வாட்ஸ்அப் ஸ்டேட்டஸ்-ல் பகிர்ந்ததன் மூலம் உண்மை தெரியவந்தது. இதைக் கண்ட சாகர் அதிர்ச்சியடைந்து மனமுடைந்துள்ளார். தொடர்ந்து அவர் மாண்டியா கிராமப்புற காவல் நிலையத்தில் புகார் அளித்து, விவாகரத்து வழங்க வேண்டும் என்றும், எடுத்துச் சென்ற பணம் மற்றும் நகைகளை மீட்டுத்தர வேண்டும் என்றும் கோரிக்கை வைத்துள்ளார்.

இந்த சம்பவம் அப்பகுதியில் பேசுபொருளாக மாறியுள்ளதுடன், சமூக வலைதளங்களிலும் பரவலாக விவாதிக்கப்படுகிறது.

இதையும் படிங்க: காதலித்து திருமணமான 13 ஆண்டு கால காதல் வாழ்க்கை! ஒரே ஒரு பெண்ணால் ஒரே அறையில் சிதைந்த மூவரின் உடல்கள்..... பகீர் சம்பவம்!!!