கர்ப்பிணி மனைவி சொன்ன 'அந்த ' ஒரு வார்த்தை.. அடுத்த நொடியே கணவர் செய்த கொடூரம்.! நெஞ்சை பதறவைக்கும் சம்பவம்..!!!
மத்தியப் பிரதேசத்தில் கர்ப்பிணி மனைவியை கொன்ற வழக்கில் ஆயுள் தண்டனை பெற்ற கணவரின் மேல்முறையீட்டு விசாரணையில் புதிய தகவல்கள் வெளியாகி பரபரப்பை ஏற்படுத்தியுள்ளன.
by
மத்தியப் பிரதேசத்தின் சின்வாரா மாவட்டத்தில் கர்ப்பிணி மனைவியை கொலை செய்த வழக்கில் ஆயுள் தண்டனை பெற்ற கணவரின் மேல்முறையீட்டு விசாரணையின் போது வெளியான தகவல்கள் பரபரப்பை ஏற்படுத்தியுள்ளன. குடும்பத் தகராறாக தொடங்கிய இந்த விவகாரம் தற்போது நீதிமன்றத்தில் மீண்டும் கவனத்தை ஈர்த்துள்ளது.
வாக்குவாதம் கொலையில் முடிந்தது
கடந்த 2021-ஆம் ஆண்டு சவுராய் பகுதியைச் சேர்ந்த சிவா கஹார் என்பவருக்கும் கிரண் என்பவருக்கும் திருமணம் நடைபெற்றது. ஏழு மாத கர்ப்பிணியாக இருந்த கிரணுக்கும் அவரது கணவருக்கும் செப்டம்பர் மாதம் ஏற்பட்ட கடுமையான வாக்குவாதம் முற்றிய நிலையில், ஆத்திரமடைந்த சிவா அருகில் இருந்த கல்லால் தாக்கியதாக கூறப்படுகிறது. இதில் பலத்த காயமடைந்த கர்ப்பிணி கிரண் சம்பவ இடத்திலேயே உயிரிழந்தார்.
குற்றத்தை ஒப்புக்கொண்டு சரணடைந்த கணவர்
சம்பவத்திற்குப் பிறகு தப்பிச் செல்லாமல், சிவா தனது மனைவியின் உறவினர்களுக்கும் போலீசாருக்கும் தகவல் தெரிவித்து, குற்றத்தை ஒப்புக்கொண்டு சரணடைந்தார். இந்த வழக்கை விசாரித்த சின்வாரா மாவட்ட நீதிமன்றம், அவருக்கு ஆயுள் தண்டனை விதித்து தீர்ப்பளித்தது.
மேல்முறையீட்டு விசாரணையில் வெளியான தகவல்
இந்தத் தீர்ப்பை எதிர்த்து சிவா மாநில உயர் நீதிமன்றத்தில் மேல்முறையீடு செய்தார். நீதிபதிகள் விவேக் அகர்வால் மற்றும் அவனிந்திர குமார் சிங் அமர்வு முன்பு விசாரணை நடைபெற்றபோது, சம்பவத்தன்று மனைவி “உன்னை போல 1000 கணவர்களை என்னால் வைத்திருக்க முடியும்” என்று கூறிய சில வார்த்தைகளே வாக்குவாதத்தை தீவிரப்படுத்தியதாக வழக்கில் தெரிவிக்கப்பட்டது. எனினும், அந்த தகவல்கள் வழக்கின் ஒரு பகுதியாக நீதிமன்றத்தில் முன்வைக்கப்பட்டுள்ளன; அவை கொலைக்கான சட்டரீதியான நியாயமாக கருதப்படவில்லை. மேல்முறையீட்டு வழக்கின் விசாரணை தொடர்ந்து நடைபெற்று வருகிறது.
