கரும்புத்தோட்டத்தில் பைக்! வயலில் கிடந்த சடலம்... நடந்தது என்ன? சுற்றி நின்று கதறும் குடும்பம்! பதறவைக்கும் வீடியோ...!!!
உத்தரப் பிரதேசத்தின் லக்கீம்பூர் கேரியில் குற்றப்பின்னணி கொண்ட கலீம் வயலில் சடலமாக மீட்கப்பட்டார். கொலை சந்தேகத்தில் போலீசார் தீவிர விசாரணை நடத்தி வருகின்றனர்.
by
உத்தரப் பிரதேச மாநிலம் லக்கீம்பூர் கேரி மாவட்டத்தில் குற்றப்பின்னணி கொண்ட கலீம் என்பவர் வயலில் சடலமாக மீட்கப்பட்டார். லக்கானிபூர் கிராமம் அருகே புதன்கிழமை காலை அவரது உடல் கண்டெடுக்கப்பட்டது. அவர் கொலை செய்யப்பட்டிருக்கலாம் என குடும்பத்தினர் சந்தேகம் தெரிவித்துள்ளனர்.
பத்தானன் பூர்வா கிராமத்தைச் சேர்ந்த கலீம், தனது வீட்டில் இருந்து சுமார் ஒரு கிலோமீட்டர் தொலைவில் உயிரிழந்த நிலையில் கிடந்தார். அவரது மோட்டார் சைக்கிள் அருகிலுள்ள கரும்புத் தோட்டத்தில் கைவிடப்பட்ட நிலையில் மீட்கப்பட்டது.
இதையும் படிங்க: கள்ளக்காதல் ஆசையால் கணவருக்கு சமாதிகட்டிய மனைவி.. கொன்று புதைத்த பயங்கரம்.!
வயலில் சடலமாக மீட்பு
லக்கானிபூர் கிராமம் அருகே வயலில் ஒருவர் இறந்து கிடப்பதாக போலீசாருக்கு தகவல் கிடைத்தது. அங்கு சென்ற உத்தரப் பிரதேச போலீசார் உடலைக் கைப்பற்றி பிரேதப் பரிசோதனைக்காக அனுப்பி வைத்தனர். மோட்டார் சைக்கிளும் கைப்பற்றப்பட்டு விசாரணைக்கு உட்படுத்தப்பட்டுள்ளது.
கொலை சந்தேகத்தில் தீவிர விசாரணை
கலீமின் மரணத்தில் சந்தேகம் இருப்பதாக அவரது குடும்பத்தினர் தெரிவித்துள்ளனர். இதையடுத்து போலீசார் கொலை வழக்கு பதிவு செய்து விசாரணையை தொடங்கியுள்ளனர். அவர் கடைசியாக யாரை சந்தித்தார், எதற்காக வீட்டில் இருந்து வெளியே சென்றார் என்பது உள்ளிட்ட பல்வேறு கோணங்களில் விசாரணை நடைபெற்று வருகிறது.
பிரேதப் பரிசோதனை அறிக்கை கிடைத்த பிறகே அவரது மரணத்திற்கான காரணம் குறித்து தெளிவான தகவல் கிடைக்கும் என போலீஸ் தரப்பில் தெரிவிக்கப்பட்டுள்ளது. குற்றவாளிகள் தொடர்பான தகவல்களை சேகரிக்கும் பணியும் தொடர்ந்து நடைபெற்று வருகிறது.
இதையும் படிங்க: அதிர்ச்சி! அதிகாலையில் லாரி மீது தனியார் பேருந்து மோதி பயங்கர விபத்து! 6 பேர் உயிரிழப்பு... பகீர் காட்சிகள்...!!!
