என்ன மனுஷன் நீ ? காதலனின் உயிரைக் காப்பாற்ற கிட்னியே கொடுத்த காதலி! பதிலுக்கு காதலிக்கு கிடைத்த பேரதிர்ச்சி... கொடூர சம்பவம்!!!
காதலனின் உயிரைக் காப்பாற்ற சிறுநீரகத்தை தானமாக வழங்கிய கோலின் லீ, பின்னர் அவரது துரோகத்தையும் பிரிவையும் எதிர்கொண்டபோதும் தியாகத்திற்காக வருந்தவில்லை.
by
காதலனின் உயிரைக் காப்பாற்ற 2016-ம் ஆண்டு தனது சிறுநீரகங்களில் ஒன்றை தானமாக வழங்கிய கோலின் லீ, அதன்பின் எதிர்பாராத துரோகத்தை சந்தித்தார். சிறுநீரகங்கள் 5 சதவீதத்திற்கும் கீழ் செயலிழந்து மரணத்தின் விளிம்பில் இருந்த காதலனுக்கு தனது உறுப்பை வழங்கினார். ஆனால், அறுவை சிகிச்சை முடிந்த சில மாதங்களிலேயே அவரது வாழ்க்கையில் வேதனையான திருப்பம் ஏற்பட்டது.
உயிரைக் காப்பாற்ற செய்த மிகப்பெரிய தியாகம்
2016-ல் கோலின் லீயின் காதலனின் இரு சிறுநீரகங்களும் கடுமையாக செயலிழந்திருந்தன. உடல்நிலை மோசமடைந்து உயிருக்கு ஆபத்தான நிலையில் இருந்த அவருக்கு உடனடி சிறுநீரக மாற்று அறுவை சிகிச்சை தேவைப்பட்டது. அப்போது காதலுக்காக தனது சிறுநீரகங்களில் ஒன்றை தானமாக வழங்க கோலின் முன்வந்தார். அறுவை சிகிச்சை வெற்றிகரமாக முடிந்து, அவரது காதலன் உயிர் தப்பினார்.
சில மாதங்களிலேயே வெளிவந்த துரோகம்
ஆனால், கோலின் செய்த தியாகத்திற்கு பதிலாக அவருக்கு கிடைத்தது அதிர்ச்சி. லாஸ் வேகாஸ் சென்றிருந்தபோது, தன்னை காதலன் ஏமாற்றியதை அவரே ஒப்புக்கொண்டதாக கூறப்படுகிறது. அந்த துரோகத்தால் மனமுடைந்தாலும், கோலின் உடனடியாக உறவை முறித்துக்கொள்ளவில்லை. காதலுக்காக அவருக்கு மீண்டும் ஒரு வாய்ப்பையும் வழங்கினார்.
எனினும், அந்த வாய்ப்பையும் காதலன் மதிக்கவில்லை. சில காலத்திலேயே தொலைபேசி மூலம் கோலினுடனான உறவை முடித்துக்கொண்டார். ஒருபுறம் உயிரைக் காப்பாற்றிய தியாகம்; மறுபுறம் அதே நபரிடமிருந்து கிடைத்த ஏமாற்றம் என கோலினின் வாழ்க்கை எதிர்பாராத வலியை சந்தித்தது.
தியாகத்துக்காக வருத்தமில்லை என உறுதி
இத்தனை வேதனைகளையும் கடந்து வந்த கோலின், தான் செய்த சிறுநீரக தானம் குறித்து ஒருபோதும் வருந்தவில்லை என தெரிவித்துள்ளார். தனக்கு ஏற்பட்ட காதல் துரோகம் வேதனையானதாக இருந்தாலும், ஒரு மனிதனின் உயிரைக் காப்பாற்ற முடிந்ததே தனக்கு முக்கியம் என அவர் கூறுகிறார். அந்த தியாகம் வீணாகிவிட்டதாக நினைக்கவில்லை என்றும், வாழ்க்கையில் மீண்டும் அதே சூழல் வந்தாலும் தனது முடிவை மாற்றமாட்டேன் என்றும் கோலின் உறுதியுடன் தெரிவித்துள்ளார்.
