எனக்கு மொபைல் வேணும்... ரயில்வே மின்கம்பத்தில் ஏறி அட்டூழியம் செய்த நபர்! 2 மணி நேரம் போராட்டம்...ஸ்பைடர் மேன் போல் தாவியதால் உடம்பில் பாய்ந்த மின்சாரம்! பகீர் வீடியோ!!!

மும்பை நகரின் பரபரப்பான போக்குவரத்து மையங்களில் ஒன்றான கல்யாண் ரயில் நிலையம் நேற்று அதிர்ச்சிகரமான சம்பவத்தால் சில நேரம் பதட்ட நிலைக்கு தள்ளப்பட்டது. பொதுமக்களின் பாதுகாப்பு குறித்து கேள்வி எழுப்பும் வகையில் நடந்த இந்தச் சம்பவம், ரயில்வே நிர்வாகத்தையும் போலீசாரையும் அவசர நடவடிக்கைக்கு தூண்டியது.

மின்கம்பத்தில் ஏறிய நபரால் பயணிகள் அதிர்ச்சி

நேற்று மதியம் சுமார் 1:30 மணியளவில், அடையாளம் தெரியாத நபர் ஒருவர் திடீரென ரயில்வே மின்சாரக் கம்பம் (OHE Pole) மீது ஏறினார். இதனால் அங்கு இருந்த பயணிகள் மற்றும் ரயில்வே பாதுகாப்புப் படையினர் அதிர்ச்சியடைந்தனர். உடனடியாக அவரை கீழே இறங்குமாறு பலமுறை கேட்டும், அவர் இறங்கவில்லை.

செல்போன் கேட்ட நபர் 

போலீஸார் பேச்சுவார்த்தை நடத்தியபோது, அந்த நபர் ஒரு செல்போன் தருமாறு கோரிக்கை வைத்தார். அதை வழங்கியபோதும், சில நிமிடங்களில் அவர் அந்த போனை கீழே வீசி, தொடர்ந்து ஒரு கம்பத்திலிருந்து மற்றொரு கம்பத்திற்குத் தாவினார். இதனால் பாதுகாப்பு முன்னெச்சரிக்கையாக 2 மற்றும் 3-வது நடைமேடைகளில் மின் விநியோகம் நிறுத்தப்பட்டது.

இதையும் படிங்க: தண்ணீரிலும் கலப்படம்.... ரயில் பயணிகளே பிராண்டட் மினரல் வாட்டர் பாட்டிலில் அசுத்தமான தண்ணீரை நிரப்பி விற்கும் அதிர்ச்சி காட்சி!

மின்சாரம் தாக்கியதால் கடும் காயம்

சுமார் ஒன்றரை மணி நேர போராட்டத்திற்குப் பிறகு, எதிர்பாராத விதமாக அந்த நபர் உயர் அழுத்த மின்கம்பியைத் தொட்டதால் மின்சாரம் தாக்கி கீழே தூக்கி வீசப்பட்டார். பலத்த காயமடைந்த அவரை போலீஸார் உடனடியாக மீட்டு மும்பை சயான் மருத்துவமனைக்கு அனுப்பினர். தற்போது அவர் தீவிர சிகிச்சையில் உள்ளார்.

ரயில் சேவை பாதிப்பு 

இந்த சம்பவத்தால் கல்யாண் ரயில் நிலையத்தின் 5 நடைமேடைகளிலும் சுமார் இரண்டு மணி நேரம் ரயில் போக்குவரத்து முற்றிலும் பாதிக்கப்பட்டது. இதனால் ஆயிரக்கணக்கான பயணிகள் கடும் சிரமத்திற்குள்ளாகினர். பணிநேரத்தில் ஏற்பட்ட இந்த தடையால் போக்குவரத்து தாமதம் மேலும் அதிகரித்தது.

இந்த சம்பவம் பொதுமக்கள் பாதுகாப்பு மற்றும் ரயில்வே கண்காணிப்பு முறைகள் குறித்து புதிய கேள்விகளை எழுப்பியுள்ளது. சம்பவத்தில் ஈடுபட்ட நபர் யார், அவர் எதற்காக இவ்வாறு நடந்துகொண்டார் என்பதைக் குறித்து போலீஸார் தீவிர விசாரணை மேற்கொண்டு வருகின்றனர்.

இதையும் படிங்க: பயங்கர தள்ளுமுள்ளு... போலீஸ் கையை கடித்து குதறிய தவெக தொண்டர்! பரபரப்பு வீடியோ!