வேகமாக ஓடுங்க....சைடுல போங்க! கத்தாரில் விழுந்த வெடித்த ஏவுகணை! "ஓ மை காட்" இந்தியர் அலறல் சத்தம்... திக் திக் காட்சி!!!

மத்திய கிழக்கில் நிலவும் பதற்றம் புதிய உச்சத்தை எட்டியுள்ளது. ஈரான் ஏவுகணை தாக்குதல் தொடர்பான வீடியோ ஒன்று கத்தார் நாட்டில் இருந்து வெளியாகி சமூக வலைதளங்களில் வேகமாக பரவி வருகிறது. இந்த சம்பவம் அப்பகுதியில் வாழும் இந்தியர்கள் உட்பட வெளிநாட்டு மக்களிடையே பெரும் கவலையை உருவாக்கியுள்ளது.

அமெரிக்க தளங்களை குறிவைத்த தாக்குதல்

ஈரான் மீது அமெரிக்கா மற்றும் இஸ்ரேல் மேற்கொண்ட தாக்குதல்களுக்கு பதிலடியாக, கத்தார், பஹ்ரைன், ஓமன் உள்ளிட்ட நாடுகளில் அமைந்துள்ள அமெரிக்க ராணுவ தளங்கள் மீது ஈரான் ஏவுகணைத் தாக்குதல்களை நடத்தியதாக தகவல்கள் தெரிவிக்கின்றன. இந்த நடவடிக்கை மத்திய கிழக்கு பிராந்தியத்தில் பாதுகாப்பு சூழ்நிலையை மேலும் பதற்றமாக மாற்றியுள்ளது.

தோஹா பர்வாவில் வெடித்த ஏவுகணை

கத்தார் தலைநகரான தோஹாவின் பர்வா (Barwa) பகுதியில் ஏவுகணை ஒன்று விழுந்து வெடித்ததாக கூறப்படும் வீடியோ தற்போது வைரலாகியுள்ளது. அந்த வீடியோவில், ஒருவர் இந்தி மொழியில் “சைடுல போங்க.. ஓடுங்க!” என்று மக்களை எச்சரிப்பது கேட்கிறது. அவர் பேசிக்கொண்டிருக்கும் நேரத்தில், பின்னால் பெரிய சத்தத்துடன் ஏவுகணை விழுந்து வெடிக்கும் காட்சி பதிவாகியுள்ளது.

இதையும் படிங்க: நல்ல உறக்கம்... அமைச்சரவைக் கூட்டத்தில் சேரில் அமர்ந்து தூங்கிய அதிபர் டொனால்ட் டிரம்ப்! வைரல் வீடியோ!

வெடிப்பு நிகழ்ந்தவுடன், அந்த நபர் அதிர்ச்சியுடன் “ஓ மை காட்” என்று கூறுவது தெளிவாகக் கேட்கிறது. அவர் சரளமாக இந்தியில் பேசியதால், அவர் இந்தியாவைச் சேர்ந்தவராக இருக்கலாம் என சமூக வலைதளங்களில் கருத்துகள் வெளியாகி வருகின்றன.

இந்தியர்களிடையே பதற்றம்

வெடிப்பு நடந்ததாக கூறப்படும் பகுதியில் கரும்புகை சூழ்ந்த காட்சிகள் வெளியாகியுள்ளன. இந்த கத்தார் வெடிப்பு வீடியோ மத்திய கிழக்கில் வாழும் இந்தியர்கள் மத்தியில் பெரும் பதற்றத்தை ஏற்படுத்தியுள்ளது. பாதுகாப்பு நிலைமை குறித்து அதிகாரப்பூர்வ விளக்கங்கள் வரும்வரை அப்பகுதி மக்கள் எச்சரிக்கையுடன் இருக்குமாறு அறிவுறுத்தப்பட்டுள்ளது.

மத்திய கிழக்கில் நிலவும் இந்த புதிய பதற்றம் எதிர்காலத்தில் எந்த வகையான அரசியல் மற்றும் பாதுகாப்பு மாற்றங்களை உருவாக்கும் என்பது கவனிக்கப்பட வேண்டிய விஷயமாக உள்ளது. நிலைமையை உலக நாடுகள் தீவிரமாக கண்காணித்து வருகின்றன.

இதையும் படிங்க: பாம்பின் தலை துண்டிக்கப்பட்டது! IRGC தலைமையகம் அழிப்பு! ஈரான் பதிலடி தாக்குதல் தீவிரம்..... அமெரிக்கா வெளியிட்ட பரபரப்பு வீடியோ..!!