தாயின் மடியில் குழந்தை இறப்பது பெரும் துயரம்! அரசு மருத்துவமனையில் எலி கடித்து 2 பிஞ்சு குழந்தைகள் பலி! பிரதமர் மோடி வெட்கம் கொண்டு தலை குனியனும்! ராகுல் காந்தி கண்டனம்...

மத்தியப் பிரதேசத்தின் இந்தூரில் நிகழ்ந்த குழந்தைகள் மரணம் சம்பவம் நாடு முழுவதும் அதிர்ச்சியை ஏற்படுத்தியுள்ளது. அரசு மருத்துவமனைகளில் நிலவும் சுகாதார சீர்கேடு குறித்து கடும் விமர்சனங்கள் எழுந்துள்ளன.

இந்தூரில் அதிர்ச்சி சம்பவம்

இந்தூர் மகாராஜா யஷ்வந்த்ராவ் அரசு மருத்துவமனையில் பிறந்த குழந்தைகள் வார்டில் இருந்த இரண்டு குழந்தைகள் எலிகள் கடித்ததில் உயிரிழந்தனர். மருத்துவமனையின் பாதுகாப்பு மற்றும் சுத்தம் குறித்த பெரிய குறைபாடு இதனால் வெளிச்சத்துக்கு வந்துள்ளது. சம்பவம் தொடர்பாக நீதிமன்றம் திடீர் விசாரணை உத்தரவிட்டுள்ளது.

ராகுல் காந்தியின் கண்டனம்

இந்த சம்பவம் குறித்து எதிர்க்கட்சித் தலைவர் ராகுல் காந்தி கடுமையாக விமர்சித்துள்ளார். அவர், "இது சாதாரண விபத்து அல்ல, இது கொடூரமான கொலை" என தெரிவித்துள்ளார். மேலும், அரசு மருத்துவமனைகள் தற்போது ஏழைகளுக்கான மரணக்குழிகள் ஆகிவிட்டதாக அவர் குற்றம்சாட்டினார். "சிறுவர்களைக் கூட காப்பாற்ற முடியாத நிலையில் இருக்கும் அரசு மீது பிரதமர் மோடியும் மாநில முதல்வரும் வெட்கம் கொள்ள வேண்டும்" என அவர் கண்டனம் தெரிவித்துள்ளார்.

இதையும் படிங்க: 500 ரூபாய்க்காக ஒரு டாக்டர் செய்யும் காரியமா இது? வைரலாகும் வீடியோ...

சுகாதாரத் துறை சீர்கேடு

சுகாதாரத் துறையை தனியாரிடம் ஒப்படைக்கும் முயற்சிகள் காரணமாக அரசு மருத்துவமனைகள் தரம் இழந்துள்ளதாகவும், சிகிச்சை பணக்காரர்களுக்கே மட்டுப்பட்டுள்ளதாகவும் ராகுல் காந்தி வலியுறுத்தினார். "தாய்மார்களின் மடியில் இருந்தே குழந்தைகள் உயிரிழப்பது மிகப் பெரும் துயரம்" என அவர் உருக்கமாக தெரிவித்தார்.

இந்த சம்பவம் சுகாதாரத் துறையின் தரத்தை சோதனைக்கு உட்படுத்தியுள்ளது. அரசு உடனடி நடவடிக்கை எடுத்து, இதுபோன்ற சம்பவங்கள் மீண்டும் நடைபெறாமல் உறுதி செய்ய வேண்டும் என்பதே பொதுமக்களின் கோரிக்கையாகும்.

இதையும் படிங்க: அரசு மருத்துவமனையில் புதிதாக பிறந்த குழந்தைகளின் கைகளை கடித்த எலிகள்! வீடியோ வெளியாகி பரபரப்பு....