அதிகாலை 2:30 மணிக்கு காதலனுக்கு வீடியோ கால் செய்த காதலி! அடுத்த 3 மணி நேரத்தில் நடந்த அதிர்ச்சி... பதறவைக்கும் பின்னணி!!!

ஐதராபாத்தில் தனியார் நிறுவனத்தில் பணிபுரிந்து வந்த 29 வயது மென்பொருள் பொறியாளர் அர்ச்சனா சௌத்ரி மாலிக், தனது வாடகை வீட்டில் உயிரிழந்த நிலையில் கண்டெடுக்கப்பட்டார். திருமணம் தொடர்பாக காதலனுடன் வீடியோ அழைப்பில் பேசியபோது அவர் தற்கொலை செய்துகொள்ளப்போவதாகக் கூறியதாக போலீசார் தெரிவித்துள்ளனர். தகவல் கிடைத்ததும் வீட்டுக்கு விரைந்த காதலன், கதவு திறக்காததால் காவல்துறைக்கு தகவல் கொடுத்துள்ளார். இந்தச் சம்பவம் தொடர்பாக போலீசார் வழக்குப் பதிவு செய்து விசாரணை நடத்தி வருகின்றனர்.

நான்கு ஆண்டுகளாகத் தொடர்ந்த காதல்

உத்தரப் பிரதேசத்தைச் சேர்ந்த அர்ச்சனா சௌத்ரி மாலிக், ஐதராபாத்தில் உள்ள பன்னாட்டு நிறுவனத்தில் சீனியர் அசோசியேட்டாகப் பணியாற்றி வந்தார். அவருடன் பணிபுரியும் உத்தராகண்ட் மாநிலத்தைச் சேர்ந்த ஒருவரை கடந்த நான்கு ஆண்டுகளாகக் காதலித்து வந்ததாக முதற்கட்ட விசாரணையில் தெரியவந்துள்ளது. அந்த நபருக்கு விவாகரத்து தொடர்பான சட்ட நடைமுறைகள் நடைபெற்று வந்ததாகவும் போலீசார் தெரிவித்துள்ளனர்.

இதையும் படிங்க: மக்களே உஷார்... சுடுதண்ணீர் எடுக்கும்போது 26 வயது இளம் மனைவிக்கு நேர்ந்த பயங்கரம்...! தாயை இழந்து தவிக்கும் 1 வயது பிஞ்சு குழந்தை... பகீர் சம்பவம்!!!

அதிகாலையில் வீட்டுக்கு வந்த காதலன்

போலீசார் கூறிய தகவலின்படி, அதிகாலை சுமார் 2.30 மணியளவில் காதலன் தனது தாயாருடன் ஒரு நிகழ்ச்சியில் இருந்தபோது அர்ச்சனா அவருக்கு வீடியோ அழைப்பு செய்துள்ளார். அப்போது தன்னைத் திருமணம் செய்துகொள்ளாவிட்டால் உயிரை மாய்த்துக்கொள்ளப் போவதாக அவர் கூறியதாகத் தெரிகிறது.

இதனால் பதற்றமடைந்த அந்த நபர், அதிகாலை 5.30 மணியளவில் அர்ச்சனா தங்கியிருந்த வீட்டுக்குச் சென்றுள்ளார். ஆனால், கதவு உள்பக்கமாகப் பூட்டப்பட்டிருந்ததால் அவரால் உள்ளே செல்ல முடியவில்லை. இதையடுத்து காவல்துறையின் அவசர உதவி எண் 112-ஐத் தொடர்புகொண்டு தகவல் தெரிவித்துள்ளார்.

தடயவியல் குழு ஆய்வு; போலீசார் விசாரணை

தகவலறிந்து வந்த போலீசார் கதவை உடைத்து உள்ளே சென்றபோது, அர்ச்சனா உயிரிழந்த நிலையில் கிடந்துள்ளார். இதையடுத்து தடயவியல் குழுவினர் வீட்டில் ஆய்வு மேற்கொண்டனர். பின்னர் அவரது உடல் பிரேதப் பரிசோதனைக்காக உஸ்மானியா அரசு பொது மருத்துவமனைக்கு அனுப்பி வைக்கப்பட்டது.

அர்ச்சனாவின் மரணம் தொடர்பாக வழக்குப் பதிவு செய்துள்ள போலீசார், வீடியோ அழைப்பில் நடந்த உரையாடல் உள்ளிட்ட விவரங்களை விசாரித்து வருகின்றனர். பிரேதப் பரிசோதனை அறிக்கை மற்றும் விசாரணையின் முடிவுகளுக்குப் பிறகே மரணம் தொடர்பான கூடுதல் விவரங்கள் தெரியவரும்.

இதையும் படிங்க: விடுதி அறை வாசலில் திடீரென சுருண்டு விழுந்த புதுமணப் பெண்! அடுத்த 5 வினாடிகளில் நடந்த பயங்கரம்... நடந்தது என்ன? பகீர் சம்பவம்..!!!