வீட்டின் வெளியே விளையாடிய 4 வயது சிறுமி திடீரென மாயம்..! பதறிய பெற்றோர்கு 45 நிமிடத்தில் போலீஸ் கொடுத்த இன்ப அதிர்ச்சி... பகீர் சம்பவம்..!!!

தெலங்கானா மாநிலம் ஹைதராபாத்தின் அட்டாபூர் பகுதியில், வீட்டின் வெளியே விளையாடிக் கொண்டிருந்த 4 வயது சிறுமி திடீரென மாயமானார். இதனால் பதற்றமடைந்த பெற்றோர் போலீசில் புகார் அளித்தனர். புகாரைப் பெற்ற போலீசார் சிசிடிவி காட்சிகளை ஆய்வு செய்து, 45 நிமிடங்களுக்குள் சிறுமியைப் பாதுகாப்பாக மீட்டனர்.

வீட்டின் வெளியே விளையாடியபோது மாயமான சிறுமி

அட்டாபூர் பகுதியைச் சேர்ந்த அபியா பாத்திமா என்ற 4 வயது சிறுமி, நவம்பர் 12-ம் தேதி மதியம் 1 மணியளவில் தனது வீட்டின் வெளியே விளையாடிக் கொண்டிருந்தார். அப்போது திடீரென அவர் காணாமல் போனார். குடும்பத்தினர் அக்கம் பக்கத்தில் பல இடங்களில் தேடியும் சிறுமி குறித்த தகவல் கிடைக்கவில்லை.

இதையும் படிங்க: வீட்டு வாசலில் இளைஞரை வீசி சென்ற மர்ம நபர்கள்! 25 வயது இளைஞர் துடிதுடித்த கொடூரம்....!!!

சிசிடிவி காட்சிகள் மூலம் 45 நிமிடங்களில் மீட்பு

இதையடுத்து சிறுமியின் தந்தை முகமது மஹ்பூப் காவல் நிலையத்தில் புகார் அளித்தார். புகாரைப் பெற்றதும் விரைந்து செயல்பட்ட போலீசார், அப்பகுதியில் பொருத்தப்பட்டிருந்த சிசிடிவி கேமரா காட்சிகளை ஆய்வு செய்தனர். அதன் அடிப்படையில் தேடுதல் பணியை மேற்கொண்ட போலீசார், புகார் அளிக்கப்பட்ட 45 நிமிடங்களுக்குள் சிறுமியைக் கண்டுபிடித்தனர்.

பெற்றோரிடம் ஒப்படைத்த போலீசார்

சிறுமியைப் பாதுகாப்பாக மீட்ட போலீசார், பின்னர் அவரது பெற்றோரிடம் ஒப்படைத்தனர். நீண்ட நேரம் பதற்றத்தில் இருந்த குடும்பத்தினர், மகளை விரைவாகக் கண்டுபிடித்துக் கொடுத்த போலீசாருக்கு நன்றி தெரிவித்தனர். போலீசாரின் துரித நடவடிக்கையால் சிறுமி பாதுகாப்பாக மீட்கப்பட்ட சம்பவம் அப்பகுதியில் நிம்மதியை ஏற்படுத்தியுள்ளது.

இதையும் படிங்க: நல்ல வேலை.. ஏதோ புருஞ்சுருக்கு! சாதாரணமாக நடந்த விஷயம்.. ஆனால் சிசிடிவி காட்சிகளைப் பார்த்ததும் கண்ட அதிர்ச்சி! வைரலாகும் மர்ம வீடியோ...!!!