அதிர்ச்சி! வீட்டில் கழுத்து அறுக்கப்பட்டு ரத்த வெள்ளத்தில் கிடந்த முன்னாள் ராணுவ வீரரும் அவரது மனைவியும்..! 5 தனிப்படைகள் அமைத்து விசாரணை.. பகீர் சம்பவம்...!!!

உத்தரப் பிரதேச மாநிலம் ஹத்ராஸ் மாவட்டத்தில் முன்னாள் ராணுவ வீரரும் அவரது மனைவியும் வீட்டுக்குள் கொலை செய்யப்பட்ட நிலையில் சடலமாக மீட்கப்பட்டனர். சதாபாத் பகுதியில் ஞாயிற்றுக்கிழமை காலை நடந்த இந்த சம்பவம் அப்பகுதியில் அதிர்ச்சியை ஏற்படுத்தியுள்ளது. வீட்டின் கதவு நீண்ட நேரமாக திறக்கப்படாததால் அண்டை வீட்டினர் சந்தேகமடைந்து பார்த்தபோது கொலை வெளிச்சத்துக்கு வந்தது.

கதவு திறக்காததால் சந்தேகம்

சதாபாத் பகுதியில், ஆக்ரா பைபாஸ் சாலைக்கு அருகே 58 வயதான முன்னாள் ராணுவ வீரர் தனது மனைவியுடன் வசித்து வந்தார். ஞாயிற்றுக்கிழமை காலை சுமார் 9.30 மணி வரை வீட்டின் கதவு திறக்கப்படாமல் இருந்தது. இதனால் சந்தேகமடைந்த அண்டை வீட்டினர் அங்கு சென்று பார்த்தபோது, இருவரும் ரத்த வெள்ளத்தில் சடலமாக கிடந்தது தெரியவந்தது.

இதையும் படிங்க: மொத்த குடும்பமே போச்சே... கனமழையால் நள்ளிரவில் இடிந்து விழுந்த வீடு! தூக்கத்திலேயே பிரிந்த மூவரின் உயிர்! கிராமமே பெரும் சோகத்தில்...!!!

கூர்மையான ஆயுதத்தால் தாக்குதல்

தகவல் கிடைத்ததும் போலீசார் சம்பவ இடத்திற்கு விரைந்து சென்று விசாரணையைத் தொடங்கினர். அலிகார் மண்டல டிஐஜி மற்றும் ஹத்ராஸ் மாவட்ட காவல் கண்காணிப்பாளர் உள்ளிட்ட உயர் அதிகாரிகளும் நேரில் சென்று ஆய்வு மேற்கொண்டனர். முதற்கட்ட விசாரணையில், தம்பதி இருவரும் கூர்மையான ஆயுதத்தால் தாக்கப்பட்டு கழுத்து அறுக்கப்பட்ட நிலையில் கொலை செய்யப்பட்டிருக்கலாம் என தெரியவந்துள்ளது.

5 தனிப்படைகள் அமைத்து விசாரணை

இரட்டைப் படுகொலைக்கான காரணம் மற்றும் குற்றவாளிகள் குறித்து போலீசார் தீவிரமாக விசாரித்து வருகின்றனர். கொலையாளிகளை கண்டறிய 5 தனிப்படைகள் அமைக்கப்பட்டுள்ளன. சம்பவ இடத்தில் கிடைத்த தடயங்கள் மற்றும் பிற ஆதாரங்கள் சேகரிக்கப்பட்டு, அவற்றின் அடிப்படையில் விசாரணை முடுக்கிவிடப்பட்டுள்ளது. கொலைக்கான பின்னணி குறித்து பல்வேறு கோணங்களில் போலீசார் தொடர்ந்து விசாரணை நடத்தி வருகின்றனர்.

இதையும் படிங்க: இந்த கொடுமையை எங்க போய் சொல்றது! எம்எல்ஏ பண்ணை வீட்டில் 25 வயது பெண் கூட்டு பாலியல் வன்கொடுமை...! 4 போலீசார் சேர்ந்து செய்த கொடூரம்...!!!