என் அம்மாவை காப்பாத்துங்க..! பள்ளி குரூப்பில் மெசேஜ்ஜை போட்டுவிட்டு... 9 ஆம் வகுப்பு மாணவன் எடுத்த விபரீத முடிவு! பகீர் பின்னணி...!!!

அசாம் மாநிலம் குவஹாத்தியில், 9-ம் வகுப்பு மாணவர் ஒருவர் தனது தாயைக் கத்தியால் குத்திவிட்டு, பின்னர் அடுக்குமாடிக் கட்டிடத்தில் இருந்து குதித்து உயிரிழந்தார். வீட்டில் நடந்த தாக்குதலில் படுகாயமடைந்த தாய் மருத்துவமனையில் அனுமதிக்கப்பட்டுள்ளார். அவரது உடல்நிலை கவலைக்கிடமாக இருப்பதாக மருத்துவமனை வட்டாரங்கள் தெரிவித்துள்ளன.

வீட்டில் தாயைக் கத்தியால் தாக்கிய மாணவர்

குவஹாத்தியின் பாமுனிமைடாம் பகுதியில் உள்ள கிழக்கு ஜோதிநகர் ஹல்தி மில் பகுதியில் இந்தச் சம்பவம் நடந்துள்ளது. அங்கு வசித்து வந்த 9-ம் வகுப்பு மாணவர், தனது 50 வயது தாய் சந்திராணி கலிதாவைக் கூர்மையான ஆயுதத்தால் கழுத்துப் பகுதியில் தாக்கியுள்ளார். இதில் அவர் பலத்த காயமடைந்தார்.

இதையும் படிங்க: மக்கள் குடிநீரை வீணாக்கினால் அபராதம்..! ஆனால் அரசு வீணாக்கலாமா..? கொந்தளிப்பை உண்டாக்கும் வீடியோ..!!!

பள்ளி வாட்ஸ்அப் குழுவில் தகவல்

தாயைத் தாக்கிய பிறகு வீட்டை விட்டு வெளியேறிய மாணவர், தனது பள்ளி வாட்ஸ்அப் குழுவில் நடந்தது குறித்து பதிவிட்டுள்ளார். காயமடைந்த தனது தாய்க்கு உதவுமாறும் மற்றவர்களிடம் கேட்டுக்கொண்டுள்ளார்.

இதையடுத்து, குவஹாத்தியின் ஏபிசி பகுதிக்குச் சென்ற மாணவர், அங்குள்ள அடுக்குமாடிக் கட்டிடத்தின் மொட்டை மாடியில் இருந்து கீழே குதித்துள்ளார். இதில் படுகாயமடைந்த அவர் உயிரிழந்தார்.

தாய்க்கு தீவிர சிகிச்சை; போலீசார் விசாரணை

இதற்கிடையே, வீட்டில் காயமடைந்த சந்திராணி கலிதா மீட்கப்பட்டு குவஹாத்தி மருத்துவக் கல்லூரி மருத்துவமனையில் அனுமதிக்கப்பட்டார். தீவிர சிகிச்சைப் பிரிவில் அவருக்குச் சிகிச்சை அளிக்கப்பட்டு வருகிறது. அவரது உடல்நிலை தொடர்ந்து கவலைக்கிடமாக இருப்பதாக மருத்துவர்கள் தெரிவித்துள்ளனர்.

தாய் மீது மாணவர் தாக்குதல் நடத்தியதற்கான காரணம் என்ன என்பது இதுவரை தெரியவில்லை. இதுகுறித்து வழக்குப் பதிவு செய்துள்ள காவல்துறையினர், மாணவரின் குடும்பச் சூழல் உள்ளிட்ட பல்வேறு கோணங்களில் விசாரணை நடத்தி வருகின்றனர்.

இதையும் படிங்க: கார் மீது லாரி மோதியதில் இளம் மனைவி உயிரிழப்பு! கணவன் கவலைக்கிடம்.... நெஞ்சை பதறவைக்கும் பகீர் சம்பவம்..!!!