இந்திய வரலாற்றில் உச்சத்தை தொட்ட தங்கம் விலை! இன்று ஒரு சவரன் தங்கம் எவ்வளவு தெரியுமா?

தங்கத்தின் விலை கடந்த சில மாதங்களாகவே ஏற்றமும் இறக்கமுமாக இருந்து வருகிறது. உலக அளவில் ஏற்பட்டுள்ள பொருளாதார நெருக்கடி நிலையிலும், பலர் தங்கத்தில் அதிகமாக முதலீடு செய்ய தொடங்கியதால் தங்கம் விலை ஏற்றத்தை சந்தித்து வருகிறது.    

தற்போது ஈரான் - அமெரிக்கா போர்ப்பதற்றம் காரணமாக உலக அளவில் தங்கத்தின் மீதான முதலீடுகள் அதிகரித்து வருகின்றன. இதனால், தங்கத்தின் விலை தொடர்ந்து உயர்வைச் சந்தித்து வருகின்றன.

 
இந்நிலையில் கடந்த சில நாட்களாக தங்கத்தின் விலை ரூ.30,000-த்திற்குள் இருந்த நிலையில் தற்போது சென்னையில் 22 கேரட் ஆபரணத் தங்கத்தின் விலை சவரனுக்கு ரூ.512 உயர்ந்து ரூ.31,168க்கு விற்பனை செய்யப்படுகிறது.