எந்த சாமி புண்ணியமோ..! மரண விளிம்பில் உயிர் தப்பிய தம்பதி....! பதறவைக்கும் வீடியோ..!!!
உத்தரபிரதேசத்தின் ஃபதேபூரில் இருசக்கர வாகனத்தில் சென்ற தம்பதி மீது பொதுப்பணித்துறை இரும்புப் பெயர்பலகை சரிந்து விழுந்தது. சிசிடிவியில் பதிவான விபத்தில் இருவரும் காயமின்றி உயிர் தப்பினர்.
by
உத்தரபிரதேச மாநிலம் ஃபதேபூரில், இருசக்கர வாகனத்தில் சென்ற தம்பதி மீது பொதுப்பணித்துறைக்குச் சொந்தமான இரும்புப் பெயர்பலகை திடீரென விழுந்தது. இதில் அவர்கள் பயணித்த வாகனம் சேதமடைந்தது. இருப்பினும், இருவரும் காயமின்றி உயிர் தப்பினர். இந்த விபத்தின் சிசிடிவி காட்சிகள் தற்போது சமூக வலைதளங்களில் பரவி வருகின்றன.
தம்பதி மீது சரிந்து விழுந்த இரும்புப் பலகை
தம்பதியினர் மோட்டார் சைக்கிளில் சாலையைக் கடக்க முயன்றபோது, சாலையோரம் நிறுவப்பட்டிருந்த கனமான பொதுப்பணித்துறை பெயர்பலகை திடீரென வேரோடு சாய்ந்தது. எதிர்பாராத விதமாக அவர்கள் சென்ற வாகனத்தின் மீது அந்தப் பலகை நேரடியாக விழுந்தது.
இதையும் படிங்க: காலம் கெட்டு போச்சு! 7 வயது சிறுமிக்கு நடந்த கொடூரம்! கதறும் குடும்பம்... போராட்டத்தில் திரண்ட கிராம மக்கள்...!!!
இரும்புப் பலகை விழுந்த வேகத்தில் மோட்டார் சைக்கிள் பலத்த சேதமடைந்தது. அங்கிருந்த சிசிடிவி கேமராவில் பதிவான காட்சிகள், விபத்தின் தீவிரத்தை காட்டுகின்றன.
காயமின்றி உயிர் தப்பிய தம்பதி
பலகை விழுந்த அடுத்த சில நொடிகளில், தம்பதியினர் இருவரும் அதிலிருந்து வெளியே வந்தனர். அவர்களுக்கு காயம் எதுவும் ஏற்படவில்லை எனத் தெரிவிக்கப்பட்டுள்ளது. இதைப் பார்த்த அப்பகுதி மக்கள் நிம்மதியுடன் வியப்பும் அடைந்தனர்.
விபத்தின் சிசிடிவி வீடியோ இணையத்தில் பரவியதைத் தொடர்ந்து, பலரும் தம்பதியினர் உயிர் தப்பியதை ஆச்சரியத்துடன் குறிப்பிட்டு வருகின்றனர். அதே நேரத்தில், சாலையோரம் அமைக்கப்படும் கனமான பெயர்பலகைகளின் பாதுகாப்பு குறித்தும் கவனம் செலுத்த வேண்டும் என்ற கருத்துகள் எழுந்துள்ளன.
இதையும் படிங்க: இதெல்லாம் தேவையா.? தொப்புளில் பட்டாசு வைத்து தீப்பொறியை பறக்கும் விட்ட பெண்! இறுதியில் நடந்த அதிர்ச்சி... பகீர் காட்சி!!!
