கலப்படப் பால் அருந்தியதால் 4 பேர் உயிரிழப்பு! திடீரென முடங்கிய சிறுநீரக செயல்பாடு.... மேலும் 10 பேர் உடல்நலக்குறைவு!!!

ஆந்திர மாநிலத்தின் கிழக்கு கோதாவரி மாவட்டத்தில் நிகழ்ந்துள்ள இந்த சோகச் சம்பவம் பொதுமக்கள் மத்தியில் பெரும் அதிர்ச்சியை ஏற்படுத்தியுள்ளது. அன்றாடம் பயன்படுத்தப்படும் பால் போன்ற அத்தியாவசிய உணவுப் பொருளில் ஏற்பட்டதாக கூறப்படும் கலப்பட பால் விபத்து, பல குடும்பங்களின் வாழ்வை சிதைத்துள்ளது.

14 பேருக்கு உடல்நலக்குறைவு

ராஜமுந்திரி பகுதியில் கலப்படம் செய்யப்பட்டதாக சந்தேகிக்கப்படும் பாலை அருந்திய 14-க்கும் மேற்பட்டோர் திடீர் உடல்நலக்குறைவால் பாதிக்கப்பட்டனர். அவர்களில் கிருஷ்ணவேணி, ராதாகிருஷ்ணா, சேஷகிரி ராவ் மற்றும் ரமணி ஆகிய 4 பேர் சிகிச்சை பலனின்றி உயிரிழந்தது பெரும் சோகத்தை ஏற்படுத்தியுள்ளது.

இதையும் படிங்க: அதிர்ச்சி! காலையில் பள்ளிக்குச் சென்ற 5 வயது சிறுமி திடீரென மயங்கி உயிரிழப்பு! சிவகங்கையில் பெரும் சோகம்!

‘Anuria’ காரணமா?

மருத்துவர்கள் தெரிவித்ததாவது, பாதிக்கப்பட்டவர்களில் பலருக்கு ‘Anuria’ எனப்படும் சிறுநீரகச் செயல்பாடு திடீரென முடங்கிய நிலை காணப்பட்டது. இந்த உடல்நிலை மாற்றமே உயிரிழப்பிற்கு முக்கிய காரணமாக இருக்கலாம் என ஆரம்பக்கட்ட தகவல்கள் தெரிவிக்கின்றன.

பால் விநியோகத்தில் சந்தேகம்

விசாரணையில், நரசாபுரத்தைச் சேர்ந்த நாகேஸ்வர ராவ் என்ற பால் வியாபாரி சுமார் 42 பேரிடமிருந்து பாலைச் சேகரித்து 106 குடும்பங்களுக்கு விநியோகம் செய்தது தெரியவந்துள்ளது. இந்த பால் விநியோகத்தில் கலப்படம் செய்யப்பட்டிருக்கலாம் என்ற சந்தேகத்தின் பேரில் அதிகாரிகள் பல்வேறு பகுதிகளில் இருந்து பால் மாதிரிகளை சேகரித்து தீவிர ஆய்வை மேற்கொண்டு வருகின்றனர்.

அத்தியாவசிய உணவுப் பொருட்களில் தரக்குறைவு மற்றும் கலப்படம் போன்ற செயல்கள் சமூகத்திற்கு பேராபத்தை ஏற்படுத்தக்கூடியவை என்பதை இந்த சம்பவம் மீண்டும் நினைவூட்டுகிறது. உணவு பாதுகாப்பு விதிமுறைகளை கடுமையாக அமல்படுத்த வேண்டிய அவசியத்தை இந்த துயரச்சம்பவம் வலியுறுத்துகிறது.

இதையும் படிங்க: இளையர்களுக்கு மது அருந்தும் போட்டி! 19 பீர் பாட்டில்.... இறுதியில் இளையர்களுக்கு நடந்த பயங்கரம்! சென்னையில் நடந்த அதிர்ச்சி சம்பவம்!!