கோவிலில் திருட வந்தவரை தூங்க வைத்த சாமி! மறுநாள் திருடனுக்கு காத்திருந்த அதிர்ச்சி! வைரலாகும் வீடியோ...

ஜார்கண்ட் மாநிலம் நோவமுண்டி அருகிலுள்ள பராஜம்டா கிராமத்தில் நடந்த விசித்திரமான திருட்டு முயற்சி பரபரப்பை ஏற்படுத்தியுள்ளது. திங்கள்கிழமை இரவு, தங்கிசாய் பகுதியைச் சேர்ந்த வீர் நாயக் என்பவர், தனது நண்பர்களுடன் சேர்ந்து அதிக அளவில் மதுபானம் அருந்திய நிலையில், பராஜம்டா வாரச் சந்தை அருகிலுள்ள காளி கோயிலுக்கு திருடும் நோக்கத்தில் நுழைந்தார்.

கோயிலின் கதவுப் பூட்டை உடைத்து, உள்ளே நுழைந்த இவர், அங்குள்ள காளி அம்மன் சிலையின் நகைகள், பூஜைப் பொருட்கள் மற்றும் மணி ஆகியவற்றை திருட திட்டமிட்டார். ஆனால் குடிபோதையில் இருந்த காரணத்தால், அவர் அங்கேயே ஆழ்ந்த தூக்கத்தில் விழுந்தார்.

மறுநாள் காலை கோயிலுக்கு வந்த பக்தர்கள், ஒருவர் உள்ளே தூங்கிக் கொண்டிருப்பதை பார்த்து பராஜம்டா காவல்துறைக்கு தகவல் வழங்கினர். உடனடியாக சம்பவ இடத்திற்கு வந்த போலீசார், திருட முற்பட்ட வீர் நாயக்கை கைதுசெய்தனர். அவர் திருட திட்டமிட்ட பொருட்கள் உள்ள பையுடன் பிடிபட்டார்.

இதையும் படிங்க: ஜிலேபியும் சமோசாவும் ஆபத்தான உணவா! லேபிளில் எச்சரிக்கை வாசகமா! மத்திய சுகாதாரத் துறை புதிய நடவடிக்கை....

விசாரணையில் அவர் தங்கிசாய் பகுதியைச் சேர்ந்தவர் என்பது தெரியவந்தது. நீதிமன்றத்தில் ஆஜர்படுத்தப்பட்ட பின்னர், காவல்துறையின் அதிகாரப் பரிவீச்சில் வைக்கப்பட்டார். “திருட வந்தவரை தூங்க வைத்தது கோயிலின் சக்திதான்!” என போலீசார் வேடிக்கையாக கருத்து தெரிவித்தனர்.

இதையும் படிங்க: புகாரளித்தும் எந்த நடவடிக்கையும் இல்லை.! விரக்தியில் கல்லூரியிலேயே மாணவி எடுத்த விபரீத முடிவு!! அதிர்ச்சி சம்பவம்!!