அதிர்ச்சி! 16 வயது சிறுமிக்கு பாலியல் தொல்லை செய்து அத்துமீறிய ரோபோ! இணையத்தில் லைவ் வீடியோ.... பின்னணியில் இருக்கும் திடுக்கிடும் உண்மை..!!!
ஜெர்மனியின் கொலோன் நகரில் 16 வயது சிறுமியிடம் ரோபோ பாலியல் அத்துமீறலில் ஈடுபட்டதாகப் புகார் எழுந்துள்ளது. இரு இளைஞர்கள் மீது சந்தேகம் எழுந்துள்ள நிலையில், ரோபோ மற்றும் கைபேசிகளைப் பறிமுதல் செய்து போலீசார் விசாரணை நடத்தி வருகின்றனர்.
by
ஜெர்மனியின் கொலோன் நகரில், 16 வயது சிறுமியிடம் ரோபோ பாலியல் அத்துமீறலில் ஈடுபட்டதாகக் கூறப்படும் சம்பவம் அதிர்ச்சியை ஏற்படுத்தியுள்ளது. ஹோஹென்சோலெர்ன்ரிங் தெருவில் உள்ள துரித உணவகத்துக்கு வெளியே கடந்த ஞாயிற்றுக்கிழமை இரவு இந்தச் சம்பவம் நடந்ததாகத் தகவல்கள் தெரிவிக்கின்றன. இதுதொடர்பாக 16 வயது சிறுவன் மற்றும் 19 வயது இளைஞர் மீது போலீசார் சந்தேகம் எழுப்பியுள்ளனர்.
சிறுமியிடம் அத்துமீறியதாகக் கூறப்படும் ரோபோ
சுமார் 1.2 மீட்டர் உயரமுள்ள சிவப்பு மற்றும் தங்க நிற ரோபோ, சிறுமியைப் பின்னால் இருந்து அணுகி பாலியல் ரீதியாகத் துன்புறுத்தியதாகக் கூறப்படுகிறது. இரவு 11.45 மணியளவில் நடந்ததாகக் கூறப்படும் இந்தச் சம்பவம், சமூக ஊடகங்களில் நேரலையாக ஒளிபரப்பப்பட்டதாகவும் தகவல்கள் வெளியாகியுள்ளன. சம்பவம் தொடர்பான முழு விவரங்களையும் போலீசார் விசாரித்து வருகின்றனர்.
ரோபோ உரிமையாளர் உட்பட இருவர் மீது சந்தேகம்
வெக்பெர்க் பகுதியைச் சேர்ந்த 16 வயது சிறுவனும், அவரது 19 வயது நண்பரும் இந்தச் சம்பவத்தில் தொடர்புடையவர்களாக இருக்கலாம் என விசாரணை அதிகாரிகள் சந்தேகிக்கின்றனர். இருவரும் ரோபோவின் செயல்பாட்டை கைபேசியில் வீடியோ எடுத்ததுடன், அதற்கு வர்ணனையும் வழங்கியதாகக் கூறப்படுகிறது. தகவல் கிடைத்ததும் சம்பவ இடத்துக்குச் சென்ற போலீசார், சந்தேக நபர்கள் பயன்படுத்திய ஃபோக்ஸ்வேகன் செடான் காரின் பின்பகுதியில் இருந்த ரோபோவைக் கைப்பற்றினர்.
ரோபோவின் செயல்பாடு குறித்து போலீசார் ஆய்வு
ரோபோவை தொலைவிலிருந்து இயக்கினார்களா, சிறுமியிடம் அத்துமீற வேண்டும் என்ற நோக்கத்தில் அதன் செயல்பாடுகள் கட்டுப்படுத்தப்பட்டனவா என்பது குறித்து குற்றப் புலனாய்வுத் துறையினர் விசாரித்து வருகின்றனர். இதற்காகச் சந்தேக நபர்கள் இருவரின் கைபேசிகளும் ரோபோவும் பறிமுதல் செய்யப்பட்டுள்ளன. அவற்றில் உள்ள வீடியோக்கள் உள்ளிட்ட டிஜிட்டல் ஆதாரங்கள் ஆய்வு செய்யப்பட்டு வருகின்றன.
சிறுமியிடம் நடந்ததாகக் கூறப்படும் அத்துமீறலில் யாருக்கெல்லாம் தொடர்பு உள்ளது, ரோபோ எவ்வாறு இயக்கப்பட்டது என்பன விசாரணையின் முடிவில் தெரியவரும். இதுவரை வெளியாகியுள்ள தகவல்கள் குற்றச்சாட்டுகளின் அடிப்படையிலானவை என்பதால், போலீசாரின் அதிகாரப்பூர்வ விசாரணை முடிவுகள் முக்கியத்துவம் பெற்றுள்ளன.
