5 வயது சிறுமியின் வயிற்றில் சிக்கிய 50 கிராம் தங்கக் கட்டி! அடுத்தடுத்து காத்திருந்த பேரதிர்ச்சி.... ஆபத்தை தடுக்க மருத்துவர்கள் செய்த காரியம்! பகீர் சம்பவம்..!!!

சீனாவில் வீட்டில் விளையாடிக் கொண்டிருந்த 5 வயது சிறுமி எதிர்பாராத விதமாக 50 கிராம் எடையுள்ள தங்கக் கட்டியை விழுங்கிய சம்பவம் அதிர்ச்சியை ஏற்படுத்தியுள்ளது. சுமார் 4 செ.மீ. நீளமுள்ள அந்த தங்கக் கட்டி வயிற்றில் சிக்கியதால் சிறுமிக்கு உடல்நிலை பாதிக்கப்பட்டது. இதையடுத்து, அவசர சிகிச்சைக்காக அவர் பெய்ஜிங் குழந்தைகள் மருத்துவமனைக்கு அழைத்துச் செல்லப்பட்டார்.

வயிற்றில் சிக்கிய தங்கக் கட்டி

வடக்கு சீனாவில் ஆகஸ்ட் 16-ம் தேதி சிறுமி வீட்டில் விளையாடிக் கொண்டிருந்தபோது இந்தச் சம்பவம் நடந்துள்ளது. தங்கக் கட்டியை விழுங்கியதைத் தொடர்ந்து உடல்நிலை மோசமடைந்த நிலையில், அவரை அருகிலுள்ள மருத்துவமனைகளுக்கு அழைத்துச் சென்றனர். ஆனால் அங்கு அவசர எண்டோஸ்கோபி வசதி இல்லாததால், உடனடியாக பெய்ஜிங் குழந்தைகள் மருத்துவமனைக்கு மாற்றப்பட்டார்.

இதையும் படிங்க: உனக்கு அடிமை நான்.... சிறுமியுடன் சகஜமாக விளையாடிய கீரிப்பிள்ளை! ஆடியெல்லாம் காட்டுது பாருங்க.... இணையத்தை தெறிக்கவிடும் சிறுமியின் வீடியோ!!!

மருத்துவர்கள் மேற்கொண்ட பரிசோதனையில், 50 கிராம் தங்கக் கட்டி சிறுமியின் வயிற்றுப் பகுதியில் சிக்கியிருப்பது உறுதி செய்யப்பட்டது. தங்கத்தின் அதிக எடை மற்றும் அடர்த்தி காரணமாக அது செரிமானப் பாதையில் இயல்பாக நகர்வது கடினம் என மருத்துவர்கள் தெரிவித்தனர்.

அறுவை சிகிச்சை இல்லாமல் அகற்றிய மருத்துவர்கள்

தங்கக் கட்டி நீண்ட நேரம் வயிற்றில் இருந்தால் உள் சுவரில் உராய்வு ஏற்பட்டு காயம், ரத்தக்கசிவு அல்லது வயிற்றில் துளை ஏற்படும் அபாயம் இருந்தது. இதனால் காலதாமதமின்றி பொருளை அகற்ற மருத்துவர்கள் முடிவு செய்தனர்.

நேரடி அறுவை சிகிச்சையைத் தவிர்த்து எண்டோஸ்கோபி முறையில் சிறப்பு ஸ்னேர் கருவி பயன்படுத்தப்பட்டது. அதன் மூலம் சில நிமிடங்களிலேயே தங்கக் கட்டி பாதுகாப்பாக வெளியே எடுக்கப்பட்டது. வயிற்றுப் பகுதியில் பாதிப்பு ஏற்படாத நிலையில் சிகிச்சை வெற்றிகரமாக முடிந்தது. தற்போது சிறுமி நலமாக இருப்பதாகத் தெரிவிக்கப்பட்டுள்ளது.

சிறிய பொருட்களால் குழந்தைகளுக்கு ஆபத்து

இந்த எண்டோஸ்கோபி சிகிச்சை தொடர்பான தகவல்கள் சமூக வலைதளங்களில் பரவி வருகின்றன. குழந்தையின் கைகளுக்கு எட்டும் வகையில் தங்கக் கட்டி எப்படி இருந்தது என்றும் சிலர் கேள்வி எழுப்பியுள்ளனர்.

குழந்தைகள் இருக்கும் வீடுகளில் நாணயங்கள், பேட்டரிகள், சிறிய பொம்மைப் பாகங்கள், நகைகள் உள்ளிட்ட பொருட்களை பாதுகாப்பாக வைக்க வேண்டியதன் அவசியத்தை மருத்துவர்கள் தொடர்ந்து வலியுறுத்தி வருகின்றனர். குறிப்பாக உலோகம், பேட்டரி அல்லது கூர்மையான பொருட்களை குழந்தைகள் விழுங்கியதாகத் தெரிந்தால், வீட்டிலேயே சிகிச்சை அளிக்க முயற்சிக்காமல் உடனடியாக மருத்துவமனைக்கு அழைத்துச் செல்வது அவசியம்.

இதையும் படிங்க: காலம் மாறி போச்சு... இன்ஸ்டாகிராம் ரீல்ஸுக்கும் ஒரு எல்லை இருக்கு! ட்ரெண்ட் ஆகணும்ன்னு இப்படியா பண்றது? கொந்தளிக்கும் நெட்டிசென்கள்..!!!