மனைவிக்காக 48 வருஷம் காத்திருந்த கணவன்! ஒரு நாள் நேரில் வந்து நின்ற மனைவி... நீ வருவேனு எனக்குத் தெரியும்! காதலுக்கு அழிவில்லை என நிரூபித்த முதியவர்..!!!

பீகார் மாநிலத்தில் 48 ஆண்டுகளுக்கு முன்பு பிரிந்த கணவன்-மனைவி, முதுமை வயதில் மீண்டும் இணைந்த சம்பவம் அனைவரையும் நெகிழ்ச்சியில் ஆழ்த்தியுள்ளது. பாட்னா அருகே உள்ள பரியார்பூர் கிராமத்தில் நடந்த இந்த மறுமிலனம், அப்பகுதியில் பேசுபொருளாக மாறியுள்ளது. பல ஆண்டுகளாக ஒருவரை ஒருவர் சந்திக்காத நிலையில், இருவரும் மீண்டும் ஒன்றாக வாழ முடிவு செய்துள்ளனர்.

ஆறு மாத திருமண வாழ்க்கைக்குப் பிறகு பிரிவு

தகவலின்படி, லாலன் மிஸ்ரா மற்றும் நிர்மலா தேவி ஆகியோருக்கு 1977-ஆம் ஆண்டு மார்ச் மாதம் திருமணம் நடைபெற்றது. ஆனால் குடும்பத்தினரின் தூண்டுதலால் ஏற்பட்ட கருத்து வேறுபாடு காரணமாக, திருமணமான ஆறு மாதங்களிலேயே நிர்மலா தேவி தனது தாய் வீட்டிற்குச் சென்றார். அதன்பின் அவர் மீண்டும் கணவர் வீட்டிற்குத் திரும்பவில்லை.

மனைவியின் பிரிவால் மனமுடைந்த லாலன் மிஸ்ரா, தன்னிடம் இருந்த நல்ல வேலையையும் விட்டு விட்டதாக கூறப்படுகிறது. மேலும், வேறு திருமணம் செய்து கொள்ளாமல், தனது மனைவி ஒருநாள் திரும்பி வருவார் என்ற நம்பிக்கையுடன் வாழ்ந்து வந்துள்ளார்.

இதையும் படிங்க: ஒரு நாள் மாயமான மகன்! திடீரென துறவியாக 16 ஆண்டுகளுக்கு பின் வீட்டுக்கு வருகை.... ஊரே திரண்டு வரவேற்று கொண்டாட்டம்! ஆனால் அடுத்த நாள் விடிந்ததும் பெற்றோருக்கு காத்திருந்த பேரதிர்ச்சி!!!

நாக்பூரில் ஆசிரியையாக வாழ்ந்த நிர்மலா தேவி

மறுபுறம், தாய் வீட்டிற்குச் சென்ற நிர்மலா தேவி, தனது தந்தையின் உதவியுடன் நாக்பூரில் உள்ள ஒரு அரசுப் பள்ளியில் ஆசிரியையாக பணியில் சேர்ந்தார். அங்கேயே நீண்ட காலம் வசித்து வந்த அவர், வாழ்க்கையின் இறுதிக்கட்டத்தில் தனது கணவருடன் சேர்ந்து வாழ வேண்டும் என்ற எண்ணத்தில் அவரைத் தேடத் தொடங்கியுள்ளார்.

இதையடுத்து போலீசாரின் உதவியுடன் லாலன் மிஸ்ரா வசித்து வந்த கிராமத்தை கண்டுபிடித்து பரியார்பூருக்கு வந்துள்ளார்.

பச்சைக் குத்து மூலம் அடையாளம் காட்டிய மனைவி

கணவரை சந்தித்தபோது, திருமணத்தின் போது தனது கையில் குத்திக்கொண்டிருந்த பச்சைக் குத்து மூலம் அடையாளத்தை நிர்மலா தேவி உறுதிப்படுத்தியதாக கூறப்படுகிறது. பல ஆண்டுகளாக நினைவில் மட்டும் இருந்த மனைவி நேரில் நிற்பதைக் கண்ட லாலன் மிஸ்ரா, உணர்ச்சிவசப்பட்டு அவரை கட்டிப்பிடித்து கண்ணீர் வடித்தார்.

48 ஆண்டுகள் கழித்து நடந்த இந்த மறுமிலனம் கிராம மக்களையும் உறவினர்களையும் நெகிழ்ச்சியில் ஆழ்த்தியுள்ளது. முதிய தம்பதியின் இந்த சந்திப்பு, அப்பகுதியில் பலராலும் உருக்கத்துடன் பேசப்பட்டு வருகிறது.

இதையும் படிங்க: பெண்ணுடன் லிவ்- இன்- உறவில் இருந்த 50 வயது நபர்! 26 நாட்களில் 6 லட்சம் காலி... தாம்பத்தியத்தில் திருப்தி இல்லாததால் காதலி போட்ட மாஸ்டர் பிளான்! அடுத்தடுத்து நடந்த அதிர்ச்சி...!!