மேடையில் அந்தரங்க உறுப்பை தொட்டதால் தான் அப்படி செய்தேன்! நடந்தது என்ன? யார் மீது தப்பு? பெண் கலைஞரை ஆவேசமாக தூக்கி வீசிய பிரபல பாடகர்! பரபரப்பு வீடியோக்கள்..!!

போஜ்புரி இசை உலகில் பரபரப்பை ஏற்படுத்திய ஒரு சம்பவம் தற்போது சமூக வலைதளங்களில் கடும் விவாதமாக மாறியுள்ளது. நேரலை இசை நிகழ்ச்சியின் போது மேடையில் நடந்த ஒரு செயல் காரணமாக பிரபல பாடகர் தனஞ்சய் சர்மா மீது விமர்சனங்கள் குவிந்து வருகின்றன. இந்த சம்பவத்தைச் சுற்றி உருவான வைரல் வீடியோ பலரையும் அதிர்ச்சியடைய வைத்துள்ளது.

நிகழ்ச்சியில் நடந்த சர்ச்சையான சம்பவம்

போஜ்புரி இசை உலகில் பிரபலமான பாடகராக விளங்கும் தனஞ்சய் சர்மா சமீபத்தில் ஒரு நேரலை இசை நிகழ்ச்சியில் பங்கேற்றார். அந்த நிகழ்ச்சியில் பாடல் பாடிக்கொண்டிருந்த அவர், மேடையில் நடனமாடிக் கொண்டிருந்த பெண் ஆடல் கலைஞரை திடீரென பிடித்து தள்ளியதாக கூறப்படுகிறது. அந்த பெண் கீழே விழுந்ததும் அங்கிருந்து விலக முயன்ற நிலையில், அவரை மீண்டும் தூக்கிச் சென்று பார்வையாளர்கள் இருந்த திசை நோக்கி தள்ளியதாகக் கூறப்படும் காட்சி வீடியோவில் பதிவாகியுள்ளது.

இதையும் படிங்க: தண்ணீரிலும் கலப்படம்.... ரயில் பயணிகளே பிராண்டட் மினரல் வாட்டர் பாட்டிலில் அசுத்தமான தண்ணீரை நிரப்பி விற்கும் அதிர்ச்சி காட்சி!

பார்வையாளர்கள் மற்றும் தொகுப்பாளர் கண்டனம்

இந்த சம்பவத்தை பார்த்த பார்வையாளர்கள் மற்றும் நிகழ்ச்சி தொகுப்பாளர் கடும் எதிர்ப்பு தெரிவித்தனர். "நீங்கள் செய்கிற செயல் தவறு. அவர் ஒரு பெண். அவரிடம் இவ்வாறு நடந்துகொள்வது முறையல்ல" என்று தொகுப்பாளர் மேடையிலேயே தனஞ்சய் சர்மாவை கண்டித்ததாக தகவல்கள் தெரிவிக்கின்றன.

சமூக வலைதளங்களில் கடும் எதிர்ப்பு

இந்த சம்பவத்தின் வீடியோ சமூக வலைதளங்களில் காட்டுத்தீ போல் பரவியதையடுத்து, பலரும் கடும் கண்டனம் தெரிவித்துள்ளனர். குறிப்பாக பெண்களின் பாதுகாப்பு குறித்து கேள்வி எழுப்பிய பலரும், சம்பந்தப்பட்ட பாடகருக்கு எதிராக சட்ட நடவடிக்கை எடுக்க வேண்டும் என்று வலியுறுத்தி வருகின்றனர்.

தனஞ்சய் சர்மாவின் விளக்கம்

சர்ச்சைகள் அதிகரித்ததைத் தொடர்ந்து, தனஞ்சய் சர்மா வீடியோ மூலம் தனது விளக்கத்தை வெளியிட்டார். அதில், "வீடியோவை மட்டும் பார்த்து என்னை குற்றம் சாட்டுகிறார்கள். உண்மையில் அது பாடலின் ஒரு காட்சிக்காக நடந்தது. அந்த பெண் கலைஞர் என்னை மேடையிலிருந்து தள்ள முயன்றதால், நான் அவரை மேடையிலிருந்து தள்ளினேன். கூட்டத்திற்குள் வீசவில்லை; தவறுதலாகவே அவர் அங்கு விழுந்தார்" என்று அவர் தெரிவித்துள்ளார். மேலும் அந்தப் பெண் தன்னைப் பலமுறை தாக்கியதாகவும் அவர் குற்றம் சாட்டியுள்ளார். மேலும் அவர் தன் அந்தரங்க உறுப்பை அதாவது மார்பகத்தை தொட்டால் எனவும் அதனால் தான் கீழே தள்ள முயன்றேன் எனவும் கூறியுள்ளார்.

போலீசார் விசாரணை

இந்த சம்பவம் குறித்து உண்மை நிலை என்ன என்பதை கண்டறிய முசாபர்பூர் காவல்துறையினர் விசாரணை மேற்கொண்டுள்ளனர். நிகழ்ச்சியில் பதிவு செய்யப்பட்ட முழு வீடியோவும் ஆய்வு செய்யப்படுவதாக கூறப்படுகிறது.

ஒரு பெண் கலைஞருக்கு மேடையில் நேர்ந்ததாக கூறப்படும் இந்த சம்பவம், கலை நிகழ்ச்சிகளில் பெண்களின் பாதுகாப்பு மற்றும் பொது இடங்களில் பெண்களுக்கு வழங்கப்பட வேண்டிய மரியாதை குறித்து மீண்டும் தீவிரமான விவாதத்தை எழுப்பியுள்ளது.

இதையும் படிங்க: பந்து விளையாடிய பள்ளி சிறுவன்! நொடிப்பொழுதில் சாலையில் நடந்த பயங்கரம்! பகீர் வீடியோ!