என்னால அவனோட டார்ச்சல் தாங்க முடியல.. இன்ஸ்டாகிராமில் வெளியான அந்த கடைசி பதிவு..! 19 வயது இளம்பெண் எடுத்த விபரீத முடிவு.. நெஞ்சை பதறவைக்கும் பின்னணி..!!!

அசாம் மாநிலம் லம்டிங்கில் 19 வயது இளம்பெண் சப்தமி தேப்நாத் மர்மமான முறையில் உயிரிழந்த சம்பவம் பரபரப்பை ஏற்படுத்தியுள்ளது. உயிரிழப்பதற்கு முன்பு, தனது காதலன் ரோஹித் தாஸ் தன்னை உடல் ரீதியாகவும் மன ரீதியாகவும் சித்திரவதை செய்ததாக அவர் இன்ஸ்டாகிராமில் பதிவிட்டிருந்தார். இதையடுத்து, சப்தமிக்கு நீதி கேட்டு பொதுமக்கள் காவல் நிலையத்தை முற்றுகையிட்டுப் போராட்டத்தில் ஈடுபட்டனர்.

ஐந்து நாட்களுக்குப் பிறகு காதலன் கைது

சப்தமியின் மரணத்தைத் தொடர்ந்து தலைமறைவாக இருந்த ரோஹித் தாஸை, ஐந்து நாட்களுக்குப் பிறகு மேகாலயா மாநிலம் ஷில்லாங்கில் வைத்து காவல்துறையினர் கைது செய்துள்ளனர். இந்த வழக்கில் ரோஹித் தாஸின் தாயாரும் கைது செய்யப்பட்டுள்ளதாகத் தகவல்கள் தெரிவிக்கின்றன.

இதையும் படிங்க: அப்பா எங்க பொய்டாரு..? வாசல் பார்த்து நிற்கும் பிஞ்சுகள்...! நொடிப்பொழுதில் நடந்த நெஞ்சை உலுக்கும் சம்பவம்..!!!

இன்ஸ்டாகிராம் பதிவால் வெடித்த போராட்டம்

உயிரிழப்பதற்கு முன்பு சப்தமி வெளியிட்ட பதிவில், காதலன் தன்னைத் தொடர்ந்து உடல் மற்றும் மன ரீதியாகத் துன்புறுத்தி வந்ததாகக் குற்றம்சாட்டியிருந்தார். அவரது மரணத்துக்குப் பிறகு இந்தப் பதிவு சமூக வலைதளங்களில் கவனம் பெற்றது. இதனால், வழக்கில் தொடர்புடையவர்களுக்குக் கடுமையான தண்டனை வழங்க வேண்டும் என வலியுறுத்தி லம்டிங் காவல் நிலையம் முன்பு பொதுமக்கள் போராட்டத்தில் ஈடுபட்டனர்.

மரணம் தொடர்பாக விசாரணை

சப்தமியின் மரணம் தொடர்பாகவும், அவர் முன்வைத்த சித்திரவதை குற்றச்சாட்டுகள் தொடர்பாகவும் விசாரணை நடைபெற்று வருகிறது. காதலன் மற்றும் அவரது தாயார் கைது செய்யப்பட்டுள்ள நிலையில், இந்த வழக்கில் அடுத்தகட்ட விசாரணையின் முடிவுகள் முக்கியத்துவம் பெற்றுள்ளன.

இதையும் படிங்க: வழக்கம் போல் குளிக்கச் சென்ற 5 பெண்கள்... நீரில் மூழ்கி ஒரே நேரத்தில் உயிரிழப்பு! கதறித் துடிக்கும் குடும்பத்தினர்..!!,