டெல்லி தேர்தலில் அமோக வெற்றி..! "ஐ லவ் யூ" சொன்ன அரவிந்த் கெஜ்ரிவால்..!

டெல்லியில் 70 சட்டமன்றத் தொகுதிகளுக்கான வாக்குப்பதிவு கடந்த 8-ஆம் தேதி நடைபெற்றது. நடந்து முடிந்த தேர்தலில் 62.59 சதவிகிதம் வாக்குகள் பதிவாகியிருந்தன. இந்தநிலையில் வாக்கு எண்ணிக்கை இன்று காலை 8 மணிக்குத் துவங்கியது. வாக்கு எண்ணிக்கையின் தொடக்கத்திலிருந்தே ஆம் ஆத்மி கட்சி முன்னிலை பெற்று வருகிறது.

நடந்து முடிந்த தேர்தலில் ஆளும் ஆம் ஆத்மி கட்சி, மெஜாரிட்டிக்கு தேவையான இடங்களைவிட அதிக தொகுதிகளில் முன்னிலை பெற்றுள்ளதால், மூன்றாவது முறையாக தனிப்பெரும்பான்மையுடன் ஆட்சியைப் பிடிக்க உள்ளது. பாஜக இரண்டாம் இடத்தில் உள்ளது. காங்கிரஸ் ஒரு தொகுதியில் கூட முன்னிலை பெறவில்லை. 

டெல்லி முதல்வர் அரவிந்த் கெஜ்ரிவாலின் மனைவி சுனிதா கெஜ்ரிவால் இன்று பிறந்தநாளை கொண்டாடுகிறார். சுனிதாவின் பிறந்தநாளை இன்று கேக் வெட்டி கொண்டாடிய கெஜ்ரிவால், டெல்லி தேர்தல் வெற்றியை மனைவிக்கு பரிசாக வழங்குவதாக தெரிவித்துள்ளார். கட்சி அலுவலகத்தில் பேசிய முதல்வர் அரவிந்த் கெஜ்ரிவால் டெல்லி மக்கள் அசத்திவிட்டிர்கள். "ஐ லவ் யூ" என தெரிவித்தார்.