ஏன்டா இப்படி இருக்கீங்க.? லாரி கவிழ்ந்ததும் ஓடிவந்த மக்கள் கூட்டம்..! டிரைவரைக் காப்பாற்ற அல்ல.. எதுக்குன்னு நீங்களே பாருங்க! வைரல் வீடியோ...!!!

ஆந்திரப் பிரதேச மாநிலம் ஏலூருவில், பீர் பாட்டில்களை ஏற்றிச் சென்ற லாரி திடீரென சாலையில் கவிழ்ந்து விபத்துக்குள்ளானது. இதில் லாரியில் இருந்த நூற்றுக்கணக்கான பீர் பெட்டிகள் சாலையில் சிதறின. விபத்தைப் பார்த்து அங்கு திரண்ட பொதுமக்கள், ஓட்டுநருக்கு உதவுவதற்குப் பதிலாக பீர் பாட்டில்களை அள்ளிச் சென்றனர். இதுதொடர்பான வீடியோ தற்போது சமூக வலைதளங்களில் பரவி வருகிறது.

சாலையில் சிதறிய பீர் பாட்டில்கள்

ஏலூரு நகரில் பீர் பாட்டில்களை ஏற்றிக்கொண்டு லாரி ஒன்று சென்று கொண்டிருந்தது. அப்போது எதிர்பாராதவிதமாக ஓட்டுநரின் கட்டுப்பாட்டை இழந்த லாரி சாலையில் கவிழ்ந்தது. இதனால் அதில் அடுக்கி வைக்கப்பட்டிருந்த நூற்றுக்கணக்கான பீர் பெட்டிகள் கீழே விழுந்து, பாட்டில்கள் சாலையின் பல பகுதிகளிலும் சிதறின.

இதையும் படிங்க: அர்ணாப் புயலின் ராட்சத அலைகள்..! சல்பர் மூட்டைகளுடன் தரைத்தட்டி தத்தளிக்கும் பிரம்மாண்ட கப்பல்..! வைரலாகும் புயலின் தாக்கம்..!!!

பாட்டில்களை அள்ளிச் சென்ற பொதுமக்கள்

லாரி கவிழ்ந்த சத்தம் கேட்டு அப்பகுதி மக்கள் மற்றும் அந்த வழியாகச் சென்ற வாகன ஓட்டிகள் சம்பவ இடத்தில் திரண்டனர். ஆனால், விபத்தில் சிக்கிய ஓட்டுநருக்கு உதவுவதில் அவர்கள் கவனம் செலுத்தவில்லை. மாறாக, சாலையில் கிடந்த பீர் பாட்டில்களைப் போட்டி போட்டுக்கொண்டு எடுத்துச் சென்றனர்.

சிலர் பெட்டிகளாகவும், சிலர் கைகளில் முடிந்த அளவுக்கும் பாட்டில்களை எடுத்துச் சென்றனர் . இதனால் விபத்து நடந்த இடத்தில் பரபரப்பு ஏற்பட்டது.

சமூக வலைதளங்களில் பரவும் வீடியோ

பொதுமக்கள் பீர் பாட்டில்களை அள்ளிச் செல்லும் காட்சிகள் வீடியோவாகப் பதிவு செய்யப்பட்டுள்ளன. இந்த வீடியோ தற்போது சமூக வலைதளங்களில் வேகமாகப் பரவி வருகிறது. விபத்தில் சிக்கியவர்களுக்கு முதலில் உதவ வேண்டிய நிலையில், பொருட்களை எடுத்துச் செல்வதில் மக்கள் ஆர்வம் காட்டியதற்கு பலரும் அதிருப்தி தெரிவித்து வருகின்றனர்.

இதையும் படிங்க: இந்த வயசுலேயே இப்படியா..? பள்ளி நிகழ்ச்சியில் கலந்துகொண்ட 10 வயது சிறுவனுக்கு நேர்ந்த விபரீதம்..! அதிர்ச்சியில் உறைந்த குடும்பம்...!!!