அண்ணா..! என்னால முடியல... என்னை வீட்டுக்குக் கூட்டிட்டு போங்க! கண்ணீருடன் உதவி கேட்ட 8 வயது சிறுவன்..! பகீர் பின்னணி..!!!
ஆந்திராவில் 8 வயது சிறுவன் ஆடுகளை மேய்க்க கட்டாயப்படுத்தப்பட்டதாக வெளியான வீடியோ அதிர்ச்சியை ஏற்படுத்தியுள்ளது. சிறுவனை மீட்க கோரிக்கை எழுந்துள்ளது.
by
ஆந்திர மாநிலம் ராசவாரிபாலம் அருகே நரவாடா கிராமத்தைச் சேர்ந்த 8 வயது சிறுவன் ராமய்யா, ஆடுகளை மேய்க்கும் பணியில் கட்டாயப்படுத்தப்பட்டதாக அதிர்ச்சி தகவல் வெளியாகியுள்ளது. சரியாக உணவு வழங்கப்படவில்லை என்றும், தன்னால் நடக்கக்கூட முடியவில்லை என்றும் சிறுவன் கண்ணீருடன் கூறும் வீடியோ சமூக வலைதளங்களில் வேகமாக பரவி வருகிறது. இதையடுத்து சிறுவனை உடனடியாக மீட்க வேண்டும் என்ற கோரிக்கை எழுந்துள்ளது.
கண்ணீருடன் உதவி கேட்ட 8 வயது சிறுவன்
சமூக வலைதளங்களில் பரவி வரும் வீடியோவில், அப்பகுதியில் இருந்தவர்களிடம் சிறுவன் தனது நிலையை எடுத்துக்கூறுகிறான். “அண்ணா, என்னை என் வீட்டிற்கு அழைத்துச் செல்லுங்கள். அவர்கள் எனக்கு சரியாக உணவு கூட தருவதில்லை. என்னால் சரியாக நடக்கக்கூட முடியவில்லை” என அவன் கண்ணீருடன் கூறுவது பதிவாகியுள்ளது.
8 வயது மட்டுமே ஆன சிறுவன் வேலைக்கு அமர்த்தப்பட்டதாக கூறப்படும் தகவல் அப்பகுதியில் அதிர்ச்சியை ஏற்படுத்தியுள்ளது. குறிப்பாக, உணவு கிடைக்காமல் உடல்நிலை பாதிக்கப்பட்டதாக சிறுவன் கூறியிருப்பது, அவனது பாதுகாப்பு குறித்து கவலையை ஏற்படுத்தியுள்ளது.
அதிகாரிகள் உடனடியாக மீட்க கோரிக்கை
வீடியோ வெளியானதைத் தொடர்ந்து, ஆந்திர மாநில அமைச்சர் நாரா லோகேஷ் மற்றும் காவல்துறை, குழந்தைகள் நலத்துறை அதிகாரிகளின் கவனத்திற்கு இந்த விவகாரம் கொண்டு செல்லப்பட்டுள்ளது. சிறுவன் இருக்கும் இடத்தை உடனடியாக கண்டறிந்து மீட்க வேண்டும் என சமூக வலைதளங்களில் கோரிக்கைகள் வலுத்துள்ளன.
மீட்கப்பட்ட சிறுவனுக்கு தேவையான மருத்துவப் பரிசோதனை, உணவு மற்றும் பாதுகாப்பு வழங்கி, அவனது பெற்றோரிடம் ஒப்படைக்க வேண்டும் என்றும் வலியுறுத்தப்பட்டுள்ளது. அதே நேரத்தில், குழந்தையை கட்டாயமாக வேலைக்கு ஈடுபடுத்தியதாக உறுதி செய்யப்பட்டால், தொடர்புடையவர்கள் மீது சட்டப்படி நடவடிக்கை எடுக்க வேண்டும் என்ற கோரிக்கையும் எழுந்துள்ளது.
சிறுவனின் பாதுகாப்பு குறித்து கவனம்
தற்போது சமூக வலைதளங்களில் பரவி வரும் வீடியோவை அடிப்படையாகக் கொண்டு அதிகாரிகள் விசாரணை நடத்தி, சிறுவனின் இருப்பிடத்தையும் நிலைமையையும் உறுதி செய்ய வேண்டிய நிலை ஏற்பட்டுள்ளது. குழந்தையின் பாதுகாப்பு முதன்மையாக உறுதி செய்யப்பட்டு, தொடர்ந்து தேவையான உதவிகள் வழங்கப்பட வேண்டும் என்பதே அப்பகுதி மக்களின் எதிர்பார்ப்பாக உள்ளது.
இதையும் படிங்க: அடேய்.. என்னடா பண்றீங்க! ஓடும் பிக்-அப் டிரக்கில் பின்புறம் தொங்கிய 2 சிறுவர்கள்..! அடுத்த நொடி நடந்த அதிர்ச்சி... நெஞ்சை உலுக்கும் வீடியோ..!!
