57 ஆண்டுக்கு பிறகு நிறைவேறிய ஆசை! 74 வயதில் 2 குழந்தை பெற்றெடுத்த தாத்தா-பாட்டி... குழந்தையின் எதிர்காலம் எப்படி இருக்கும்? இணையத்தில் வெடித்த சர்ச்சை.!!!
ஆந்திராவில் 74 வயதில் ஐ.வி.எஃப் சிகிச்சை மூலம் இரட்டைப் பெண் குழந்தைகளைப் பெற்ற எர்ரமட்டி மங்கையம்மா உலகின் வயதான தாயாக சாதனை படைத்துள்ளார்.
by
ஆந்திரப் பிரதேசத்தைச் சேர்ந்த 74 வயது எர்ரமட்டி மங்கையம்மா, ஐ.வி.எஃப் சிகிச்சை மூலம் இரட்டைப் பெண் குழந்தைகளுக்குத் தாயாகியுள்ளார். குண்டூரில் உள்ள தனியார் மருத்துவமனையில் சிசேரியன் மூலம் குழந்தைகள் பாதுகாப்பாகப் பிறந்தன. திருமணமாகி 57 ஆண்டுகளாக குழந்தை இல்லாமல் இருந்த தம்பதியின் நீண்ட நாள் கனவு இதன் மூலம் நிறைவேறியது.
57 ஆண்டுகளுக்குப் பிறகு நிறைவேறிய ஆசை
மங்கையம்மாவுக்கும் அவரது 80 வயது கணவர் ராஜாராவுக்கும் 1962-ம் ஆண்டு திருமணம் நடைபெற்றது. பல ஆண்டுகளாக குழந்தை பாக்கியம் இல்லாமல் இருந்த அவர்கள், தங்களுக்கு தெரிந்த 55 வயது பெண் ஒருவர் ஐ.வி.எஃப் சிகிச்சை மூலம் தாயானதைப் பார்த்த பிறகு தாங்களும் முயற்சி செய்ய முடிவு செய்தனர்.
இதையும் படிங்க: சைக்கோவை காதலித்ததால் இளம்பெண்ணுக்கு நேர்ந்த கொடூரம்.. கை-கால்கள் கட்டி எரித்துக்கொலை.!
மங்கையம்மாவின் வயதைக் கருத்தில் கொண்டு, தானமாகப் பெறப்பட்ட கருமுட்டைகள் பயன்படுத்தப்பட்டன. அவை அவரது கணவரின் விந்தணுவுடன் இணைக்கப்பட்டு சிகிச்சை மேற்கொள்ளப்பட்டது. மருத்துவர்களின் கண்காணிப்பில் நடைபெற்ற சிகிச்சைக்கு, அவருக்கு நீரிழிவு மற்றும் உயர் ரத்த அழுத்தம் போன்ற பிரச்சனைகள் இல்லாததும் சாதகமாக அமைந்ததாக தெரிவிக்கப்பட்டது.
உலக சாதனையுடன் எழுந்த மருத்துவ விவாதம்
குண்டூரில் நடைபெற்ற சிசேரியன் அறுவை சிகிச்சைக்குப் பிறகு இரட்டைக் குழந்தைகளும் பாதுகாப்பாகப் பிறந்தன. இதன்மூலம் 74 வயது தாய் என்ற நிலையில், மங்கையம்மா உலகின் அதிக வயதில் குழந்தைகளைப் பெற்றெடுத்த தாயாக சாதனை படைத்ததாக தெரிவிக்கப்பட்டது.
செய்தி வெளியானதைத் தொடர்ந்து, தம்பதிக்கு பலரும் வாழ்த்து தெரிவித்தனர். அதே நேரத்தில், 74 வயதில் ஐ.வி.எஃப் சிகிச்சை மேற்கொள்வது மருத்துவ நெறிமுறைகளுக்கு ஏற்றதா, செயற்கை கருத்தரிப்பு சிகிச்சைக்கு வயது வரம்பு இருக்க வேண்டுமா என்ற கேள்விகளும் எழுந்தன. முதிய வயதில் குழந்தைகளை வளர்ப்பதில் உள்ள நடைமுறை சிக்கல்கள் மற்றும் குழந்தைகளின் எதிர்காலம் குறித்தும் சமூக வலைதளங்களில் பரவலாக விவாதிக்கப்பட்டது. IVF சிகிச்சை தொடர்பான வயது வரம்பு மற்றும் மருத்துவ நெறிமுறைகள் குறித்த கேள்விகளுக்கு இந்த நிகழ்வு மீண்டும் கவனம் ஈர்த்தது.
