மனைவி குளிப்பதை வீடியோ எடுத்து ரசித்த 20 வயது இளைஞன்.. ஸ்கெட்ச் போட்ட தம்பதி.. அரங்கேறிய சம்பவம்.!

பெண் குளிப்பதை வீடியோ எடுத்து மிரட்டிய 20 வயது கல்லூரி மாணவர் கொலை செய்யப்பட்டார்.

கல்லூரி மாணவர்:

குஜராத் மாநிலத்தில் உள்ள காந்திநகரில் தம்பதி வசித்து வருகின்றனர். இதே பகுதியில், ஹர்திக் என்ற 20 வயதுடைய கல்லூரி மாணவரான இளைஞர் ஒருவரும் வசிக்கிறார். தம்பதியில் பெண் குளிப்பதை இளைஞர் வீடியோ பதிவு செய்து வந்ததாக தெரியவருகிறது.

இதையும் படிங்க: கடன் கேட்டு வந்த பெண்ணுக்கு பாலியல் தொல்லை.. பாஜக பிரமுகரின் கொடூர செயல்..!

பாலியல் தொல்லை:

சம்பவத்தன்று இந்த வீடியோவை காண்பித்து பெண்ணுக்கு பாலியல் தொல்லை கொடுத்துள்ளார். இதனால் பதறிப்போன பெண்மணி முதலில் தவித்தாலும், பின் கணவரிடம் தகவலை தெரியப்படுத்தி இருக்கிறார்.

கொலைக்கு உறுதுணை:

இதனால் ஆத்திரமடைந்த கணவர் மனைவியிடம் பேசி இளைஞரை கொலை செய்ய சம்மதம் வாங்கி இருக்கிறார். சம்பவத்தன்று இவர்களின் திட்டப்படி தம்பதியின் வீட்டுக்கு இளைஞரை வரவழைத்துள்ளனர்.

அரங்கேற்றம்:

அங்கு இதுதொடர்பாக இளைஞரை கண்டித்துக்கொண்டு இருந்தபோது வாக்குவாதம் எழவே, ஆத்திரத்தில் தம்பதிகள் இளைஞரை கொலை செய்துள்ளனர். கழுத்தை துப்பட்டாவால் நெரித்து கொலை நடந்துள்ளது. பின் இளைஞரின் செல்போனில் இருந்த வீடியோவை அழித்து இருக்கின்றனர்.

அதிகாரிகள் விசாரணை:

இதனிடையே, இளைஞர் கொலை குறித்து தகவல் அறிந்து வந்த காவல்துறையினர் தம்பதியை கைது செய்து விசாரித்து வருகின்றனர். இளைஞரின் செல்போனும் ஆய்வுக்கு அனுப்பி வைக்கப்பட்டுள்ளது. தம்பதிகளுக்கு 3 குழந்தைகள் இருக்கும் நிலையில், அவர்கள் பெண்ணின் தந்தை வீட்டில் இருக்கின்றனர்.

அறிவுரை:

இதுபோன்ற குற்றங்களுக்கு காவல் நிலையத்தில் புகார் அளித்தால் அதிகாரிகள் உறுதியான நடவடிக்கை எடுப்பார்கள் என்றும், யாரும் இதுபோல கொலை சம்பவத்தில் ஈடுபட கூடாது எனவும் அதிகாரிகள் அறிவுறுத்தி இருக்கின்றனர்.

இதையும் படிங்க: திருச்சியில் பயங்கரம்.. 32 வயது இளம்பெண் பலாத்காரம் செய்து கொலை? நிர்வாணமாக சடலம் மீட்பு.!