அடிக்கடி முகம் கழுவுகிறீர்களா.? உஷார்.. இது தெரியாம செய்யாதீங்க.!

முகத்தை அடிக்கடி கழுவினால் சருமம் மிகவும் சுத்தமாகவும் ஆரோக்கியமாகவும் இருக்கும் என்று பலர் நினைக்கிறார்கள். ஆனால் அளவுக்கு அதிகமாக முகம் கழுவுவது சருமத்தின் இயற்கையான சமநிலையை பாதித்து, வறட்சி, எரிச்சல் மற்றும் சிலருக்கு Acne பிரச்சினையையும் மோசமாக்கலாம்.

இயற்கை எண்ணெய் :

முகத்தின் மேற்பரப்பில் இருக்கும் இயற்கையான எண்ணெய் சருமத்தைப் பாதுகாப்பதில் முக்கிய பங்கு வகிக்கிறது. அடிக்கடி Face Wash பயன்படுத்தும்போது அழுக்கு மற்றும் வியர்வையுடன் சேர்ந்து இந்த எண்ணெயும் நீங்கலாம். இதனால் சருமம் உலர்ந்து, பளபளப்பு மாறக்கூடும்.

எத்தனை முறை :

பொதுவாக காலையில் எழுந்தவுடன் ஒருமுறையும், இரவு தூங்கச் செல்லும் முன்பு ஒருமுறையும் முகத்தை கழுவலாம் என்று American Academy of Dermatology பரிந்துரைக்கிறது. அதிகமாக வியர்த்த பிறகு முகத்தை கழுவுவதும் அவசியமானது.

Acne பிரச்சினை :

முகத்தில் பருக்கள் இருப்பவர்கள் அடிக்கடி முகம் கழுவினால் Acne குறையும் என்று நினைக்கலாம். ஆனால் Acne இருக்கும் சருமத்தை நாள் முழுவதும் மீண்டும் மீண்டும் கழுவுவது எரிச்சலை அதிகரித்து, சிலருக்கு பிரச்சினையை தீவிரமாக்கிவிடும். இவர்கள் மென்மையான Cleanser பயன்படுத்தி அளவான முறையில் முகத்தை சுத்தம் செய்வதே சிறந்தது.

சரியான முறை :

பேஷ் வாஷ் பயன்படுத்தும்போது மிகவும் சூடான நீருக்கு பதிலாக வெதுவெதுப்பான நீரைப் பயன்படுத்தலாம். கடினமாக தேய்ப்பது, ஸ்க்ரப் செய்வது அல்லது துணியால் அழுத்தித் துடைப்பது சருமத்தில் எரிச்சலை ஏற்படுத்தலாம். மென்மையான க்ளென்சரை விரல் நுனிகளால் பயன்படுத்தி, சுத்தமான துணியால் மெதுவாக ஒற்றி உலர்த்துவது நல்ல முறையாகும்.

சரும வகை :

Dry Skin அல்லது Sensitive Skin உள்ளவர்களுக்கு அடிக்கடி முகம் கழுவுவது அதிக வறட்சியையும் எரிச்சலையும் ஏற்படுத்தும். Oily Skin உள்ளவர்களுக்கும் அதிகமாக Face Wash பயன்படுத்துவது அவசியமில்லை. சருமத்தின் தன்மைக்கு ஏற்ற மென்மையான பொருட்களை தேர்வு செய்வது முக்கியம். முகம் கழுவிய பிறகு வறட்சி அல்லது அரிப்பு இருந்தால் Moisturizer பயன்படுத்துவது உதவியாக இருக்கும்.

குறிப்பு :

முகத்தை சுத்தமாக வைத்திருப்பது அவசியம் என்பதற்காக அடிக்கடி கழுவுவது சரியான Skincare முறை அல்ல. சருமத்தின் இயற்கை பாதுகாப்பு சமநிலையை காக்கும் வகையில், தேவையான அளவு மற்றும் சரியான முறையில் முகத்தை கழுவுவதே முக்கியம். குறிப்பாக தொடர்ச்சியான வறட்சி, எரிச்சல் அல்லது Acne பிரச்சினை இருந்தால், அந்த சருமத்திற்கு ஏற்ற பராமரிப்பு முறையைத் தேர்வு செய்வது நல்லது.