திரையரங்குளை தெறிக்கவிடும் விஸ்வாசம்! நான்குநாள் வசூல் எத்தனை கோடி தெரியுமா?

இயக்குனர் சிவா இயக்கத்தில் நான்காவது முறையாக கூட்டணி சேர்ந்து விஸ்வாசம் படத்தில் நடித்துள்ளார் தல அஜித். ஏற்கனவே வீரம், வேதாளம், விவேகம் என மூன்று படங்கள் இந்த கூட்டணியில் உருவாகியுள்ளது. வீரம், வேதாளம் இரண்டும் நல்ல வரவேற்பை பெற்றாலும், விவேகம் திரைப்படம் மாபெரும் தோல்வியை தழுவியது.

இந்நிலையில் விஸ்வாசம் படத்தில் நான்காவது முறையாக கூட்டணி சேர்ந்ததால் அஜித் ரசிகர்கள் மத்தியில் ஒரு குழப்பமும், நம்பிக்கையும் கலந்தே இருந்தது. தற்போது அந்த நம்பிக்கையை நிறைவேற்றும் வகையில் விஸ்வாசம் படம் ரசிகர்கள் மத்தியில் நல்ல வரவேற்பை பெற்றுள்ளது. அதுமட்டும் இல்லாமல் நாளுக்கு நாள் விஸ்வாசம் படத்தின் வசூல் அதிகமாகிக்கொண்டே போகிறது.

அந்தவகையில், சென்னையில் முதல் நாள் ரூ. 88 லட்சமும், 2ம் நாள் ரூ. 86 லட்சமும், 3ம் நாள் ரூ1.04 கோடியும், 4ம் நாளான ஞாயிற்றுக்கிழமை ரூ.1.05 கோடியும் என மொத்தமாக சென்னையில் மட்டும் கடந்த 4 நாட்களில் விஸ்வாசம் படம் ரூ.3.83 கோடியை வசூல் செய்துள்ளதாக கூறப்படுகிறது.

விஸ்வாசம் படம் நன்றாக இருக்கிறது என்கிற விமர்சனம் எழுந்துள்ளதால், பலரும் குடும்பத்துடன் இப்படத்தை கண்டு ரசித்து வருகின்றனர். பொங்கல் விடுமுறை 4 நாட்கள், அதன்பின் வெள்ளி, சனி, ஞாயிறு என வார இறுதி நாட்கள் வருவதால் வசூல் இன்னும் அதிகரிக்கும் என எதிர்பார்க்கப்படுகிறது.