சூப்பர் ஸ்டாருக்கு பதிலடி கொடுக்க தயாராகும் தளபதி... லியோ ஆடியோ வெளியீட்டில் கலந்து கொள்வாரா சூப்பர் ஸ்டார்.?.!

தமிழ் சினிமாவில் இரு பெரும் நட்சத்திரங்களாக இருப்பவர்கள் சூப்பர் ஸ்டார் ரஜினிகாந்த் மற்றும் தளபதி விஜய். ஒரு காலத்தில் தலைவர் ரஜினிகாந்தின் ரசிகராக இருந்தவர் தான் விஜய்.. ஆனால் இன்று ரஜினியின் இடத்திற்கு போட்டி போடும் அளவிற்கு சூப்பர் ஸ்டாராக வளர்ந்து இருக்கிறார்.

இந்நிலையில் ரஜினி மற்றும் விஜய் ஆகியோருக்கு இடையேயான போட்டி ஜெயிலர் படத்தின் ஆடியோ வெளியிட்டின் போதே தெரிந்தது. ஜெயிலர் திரைப்பட ஆடியோ வெளியீட்டு விழா மேடையில் ரஜினி கழுகு, காக்கா கதை கூறினார். தற்போது செப்டம்பர் 30ஆம் தேதி லியோ திரைப்படத்தின் ஆடியோ  வெளியீட்டு விழா நடைபெற இருக்கும் நிலையில் தளபதி விஜய் அதற்காக ஒரு குட்டி கதையை பட்டை தீட்டி வருவதாக அவருக்கு நெருக்கமான வட்டாரங்கள் தெரிவிக்கின்றன.

இதனைத் தொடர்ந்து ரஜினி மற்றும் விஜய் இடையே நடைபெறும் பனிப்போர் முடிவுக்கு கொண்டு வர அவரையும் ஆடியோ இசை வெளியீட்டு விழாவிற்கு அழைக்கலாம் எனப்பட குழு முடிவு எடுத்திருக்கிறது. உலக நாயகன் கமல்ஹாசன் இந்த விழாவில் கலந்து கொள்ள இருக்கும் நிலையில்  சூப்பர் ஸ்டாருக்கும் அழைப்பு விடுக்கப்பட்டு இருக்கிறதாம். ஆனால் அவர் தரப்பில் இருந்து எந்த பதிலும் இன்னும் வரவில்லை என்று கூறப்படுகிறது.

 ரஜினி மற்றும் விஜய்யை வைத்து அரசியல் லாபம் தேட முயல்பவர்கள் அவர்கள் இருவரையும் சேர விட மாட்டார்கள் என இருவருக்கும் நெருக்கமான வட்டாரங்கள் தெரிவிக்கின்றன. சூப்பர் ஸ்டார் தரப்பில் இருந்து எந்த பதிலும் வராததால்  ஒருவேளை விஜய் கூப்பிட்டால் அவர் வரலாம் எனவும்  சினிமா வட்டாரங்களில் தகவல்கள் வெளியாகி இருக்கிறது. ஆனால் விஜய் அவரை சென்று அழைப்பாரா என்ற கேள்வியும்  எழுந்துள்ளது.