சொன்னது ஒன்னு... ஆனால் வந்தது ஒன்னு! அந்தப் படத்துல நான் ஏன் நடிச்சன்னே தெரியல.... ரொம்ப அசிங்கமா போச்சு! பல வருஷத்துக்கு பின் சிங்கம்புலி பட உண்மையை உடைத்த நடிகை..!!!
ஜீவா நடித்த சிங்கம்புலி படத்தில் இடம்பெற்ற சர்ச்சைக் காட்சி குறித்து பல ஆண்டுகள் கழித்து அம்மா நடிகை பகிர்ந்த தகவல் சமூக வலைத்தளங்களில் பேசுபொருளாகியுள்ளது.
by
இயக்குநர் சாய் ரமணி இயக்கத்தில் நடிகர் ஜீவா இரட்டை வேடங்களில் நடித்த ‘சிங்கம்புலி’ திரைப்படம் வெளியாகி பல ஆண்டுகள் கடந்துள்ள நிலையில், அந்தப் படத்தில் நடித்த அம்மா நடிகை ஒருவர் பகிர்ந்துள்ள தகவல் தற்போது இணையத்தில் பரபரப்பை ஏற்படுத்தியுள்ளது. குறிப்பாக, படத்தில் இடம்பெற்ற சர்ச்சைக்குரிய காட்சி குறித்து அவர் தெரிவித்த கருத்துகள் சமூக வலைத்தளங்களில் தீவிரமாக பேசப்பட்டு வருகின்றன.
2011-ஆம் ஆண்டு வெளியான சிங்கம்புலி திரைப்படத்தில், ஜீவா ஹீரோ மற்றும் வில்லன் என இரு வேடங்களில் நடித்திருந்தார். அதில் வில்லன் கதாபாத்திரம் பெண்களை ஏமாற்றி வாழும் நபராக காட்டப்பட்டிருந்தது. ஒரு இளம் பெண்ணையும், அவரது அம்மாவையும் ஏமாற்றும் காட்சி அப்போது ரசிகர்கள் மத்தியில் சர்ச்சையை கிளப்பியது.
“எனக்கே புரியாமல் அந்த காட்சி எடுக்கப்பட்டது”
அந்தக் காட்சியில் நடித்த நடிகை சமீபத்தில் ஊடக பேட்டியில் மனவருத்தத்துடன் பேசியுள்ளார். அவர் கூறுகையில், “அந்தக் காட்சிக்காக என்னிடம் சொல்லப்பட்ட விஷயம் வேறு. ஆனால், படம் வெளியானபோது அது முற்றிலும் வேறுவிதமாக காட்டப்பட்டது. திரையில் பார்த்தபோது நானே அதிர்ச்சி அடைந்தேன்” என்று தெரிவித்துள்ளார்.
இதையும் படிங்க: அன்றே கணித்த ஆர்.பி.சௌத்ரி.. இன்று நேரில் அதை காண அவரால் முடியவில்லை! துக்கம் தாங்க முடியாமல் கண்ணீர் விட்ட விஜய்..!!!!
மேலும், அந்த காட்சி தவறான அர்த்தத்தில் எடுத்துக்கொள்ளப்பட்டதாகவும், அதனால் மிகுந்த மன உளைச்சல் ஏற்பட்டதாகவும் கூறியுள்ளார்.
குடும்பத்தினரின் எதிர்ப்பு
படம் வெளியான பிறகு வீட்டிலேயே கடுமையான எதிர்ப்பை சந்திக்க நேரிட்டதாகவும் அவர் தெரிவித்துள்ளார். “என் குடும்பத்தினர் என்னை மிகவும் திட்டினார்கள். அந்த நாட்களில் நிம்மதியாக தூங்கக்கூட முடியவில்லை. இனிமேல் சினிமாவில் நடிக்க வேண்டாமோ என்ற எண்ணம் கூட வந்தது” என்று கண்ணீருடன் பகிர்ந்துள்ளார்.
இதனால், ஒரு கட்டத்தில் திரையுலகை விட்டு விலகும் நிலைக்கும் தள்ளப்பட்டதாகவும் அவர் கூறியுள்ளார்.
மீண்டும் பேசப்படும் சர்ச்சை காட்சி
பல ஆண்டுகள் கழித்து வெளியான இந்த பேட்டி தற்போது கோலிவுட் வட்டாரங்களில் மீண்டும் கவனத்தை ஈர்த்துள்ளது. குறிப்பாக, படப்பிடிப்பின் போது சொல்லப்பட்ட விஷயமும், இறுதியாக திரையில் வந்த காட்சியும் வேறுபட்டதாக நடிகை கூறியிருப்பது புதிய விவாதத்தை கிளப்பியுள்ளது.
இதையும் படிங்க: அந்த வீடியோவை எடுத்தது யார்..? இப்படி ஒரு வேலையை செய்தது விஜய்யா..? இல்ல செங்கோட்டையனா..? பகீர் கிளப்பிய டிடிவி தினகரன்..!!
