நடிகரின் மனைவிக்கு சோதனை மேல் சோதனை! 5 முறை போராடி வென்றும் 6 வது முறையாக தாக்கிய கொடூர நோய்! கலங்க வைக்கும் பின்னணி..!!!

‘தி ஃபேமிலி மேன்’ தொடரின் மூலம் ரசிகர்களிடையே கவனம் பெற்ற நடிகர் ஷாரிப் ஹாஷ்மி, தனது மனைவி நஸ்ரின் ஹாஷ்மியின் உடல்நிலை குறித்து உருக்கமான தகவலை பகிர்ந்துள்ளார். கடந்த சில ஆண்டுகளாக வாய் புற்றுநோயுடன் போராடி வரும் நஸ்ரினுக்கு, தற்போது ஆறாவது முறையாக நோய் மீண்டும் ஏற்பட்டுள்ளதாக அவர் தெரிவித்துள்ளார். இந்த தகவல் ரசிகர்களிடையே கவலையை ஏற்படுத்தியுள்ளது.

2018 முதல் தொடரும் சிகிச்சை

தகவலின்படி, நஸ்ரின் ஹாஷ்மிக்கு முதன்முதலில் 2018-ம் ஆண்டு வாய் புற்றுநோய் கண்டறியப்பட்டது. அதன் பின்னர் பல கட்ட சிகிச்சைகள் மூலம் அவர் மீண்டு வந்தார். ஏற்கனவே ஐந்து முறை நோயை வென்றிருந்த நிலையில், தற்போது மீண்டும் பாதிப்பு ஏற்பட்டுள்ளதாக கூறப்படுகிறது.

இந்த முறை புற்றுநோய் உடலின் பல பகுதிகளுக்கும் பரவியிருப்பதாக ஷாரிப் தெரிவித்துள்ளார். நிலைமை தீவிரமாக இருந்தாலும், நஸ்ரின் காட்டும் மனஉறுதியே குடும்பத்துக்கு நம்பிக்கையாக இருப்பதாகவும் அவர் குறிப்பிட்டுள்ளார்.

இதையும் படிங்க: ஒரு காலத்தில் லவ்வர் பாய்! ஆனால் இப்போ..... யாரும் அவர கண்டுக்கல! சாலையில் சூட்கேஸ் உடன் நடந்து சென்ற பிரபல நடிகர்! வைரல் வீடியோ!!!

எட்டு ஆண்டுகளாக நீளும் போராட்டம்

கடந்த எட்டு ஆண்டுகளாக உடல்நலப் பிரச்சினைகள் மற்றும் பொருளாதார சிக்கல்களுடன் இந்த குடும்பம் போராடி வருகிறது. நஸ்ரின் இதுவரை ஐந்து அறுவை சிகிச்சைகள் மற்றும் பல கதிரியக்க சிகிச்சைகளை எதிர்கொண்டுள்ளார். தற்போது மீண்டும் சிகிச்சை பெற்று வருகிறார்.

அதே நேரத்தில், இந்த கடினமான காலங்களில் தனது கணவர் எப்போதும் அருகில் நின்றதாக நஸ்ரின் தெரிவித்துள்ளார். குடும்பத்தை தாங்கிக் கொண்டு, சிகிச்சைகளை தொடர்ந்து மேற்கொண்டு வருவதாகவும் தகவல்கள் தெரிவிக்கின்றன.

‘இந்த துன்பமும் கடந்து போகும்’ நம்பிக்கை

தனது கனவுகளுக்காக வீட்டை விற்று, நகைகளை அடமானம் வைத்து துணைநின்ற மனைவியின் தற்போதைய நிலை மனதை உடைப்பதாக ஷாரிப் ஹாஷ்மி கூறியுள்ளார். இருப்பினும், “இந்த துன்பமும் கடந்து போகும்” என்ற நம்பிக்கையுடன் இருவரும் இந்த வாய் புற்றுநோய் போராட்டத்தை தொடர்ந்து எதிர்கொண்டு வருகிறார்கள்.

இதையும் படிங்க: இது தைரியமா இல்ல மெத்தனமா? ஆற்றில் இருந்த முதலைக்கு பிரஷ் செய்த சிறுவன்! வைரலாகும் திக் திக் திகில் வீடியோ!!!