30 நாள் ஆகிட்டு... ரோபோ சங்கரின் மனைவி பகிர்ந்த வீடியோ கால் காணொளி! கண்கலங்க வைக்கும் காட்சி...

தமிழ் திரையுலகை உலுக்கிய ரோபோ சங்கரின் திடீர் மறைவு இன்னும் ரசிகர்களின் மனதில் வாட்டத்தைக் கொடுத்து வருகின்றது. குடும்ப உறுப்பினர்களின் உணர்ச்சி பதிவுகள் தொடர்ந்து இணையத்தில் பரவி வருவது பெரும் வருத்தத்தை ஏற்படுத்துகின்றது.

ரோபோ சங்கரின் நிலைமை எப்படி மோசமடைந்தது?

பிரபல தொலைக்காட்சி நிகழ்ச்சிகள் மற்றும் திரைப்படங்களின் மூலம் புகழ் பெற்ற நகைச்சுவை நடிகர் ரோபோ சங்கர், மஞ்சள் காமாலை நோயால் பாதிக்கப்பட்டதைத் தொடர்ந்து படப்பிடிப்பில் இருந்து ஓய்வு எடுத்தார். சமீபத்தில் படப்பிடிப்பு தளத்தில் மயங்கி விழுந்த நிலையில் மருத்துவமனையில் அனுமதிக்கப்பட்ட அவர், சுவாச குறைபாட்டால் சிகிச்சை பலனின்றி உயிரிழந்தார்.

மனைவியின் மனத்தை உருக்கிய வீடியோ

இந்த நெகிழ்வூட்டும் தருணத்தில், அவரது மனைவி பிரியங்கா, 30 நாட்களுக்கு பின் வீடியோ காலில் அழைப்பில் பேசும் ரோபோ சங்கரின் காணொளியை இன்ஸ்டாகிராமில் பகிர்ந்துள்ளார். “ஷூட்டிங் முடிச்சிட்டு சீக்கிரமா வந்துருங்க... மொசக்குட்டி நட்சத்திரனும் நாங்கலும்காத்திருக்கோம்” என பதிவிட்ட அவர் சார்ந்த உணர்வுகள் பலரையும் கண்கலங்க வைத்துள்ளது.

இதையும் படிங்க: ரோபோ சங்கர் இறுதியாக தனது பேரனின் கைகளுடன் இணைந்து செய்த இறுதி பரிசு! வைரலாகும் காணொளி...

இணையத்தில் வைரலான வீடியோ

பிரியங்காவின் இந்த உணர்ச்சி பூர்வமான பதிவு சமூக வலைத்தளங்களில் வேகமாக வைரலாகி வருகிறது. திரைப் பிரபலங்களும் ரசிகர்களும் இரங்கல் தெரிவித்து வருகின்றனர்.

தமிழ் திரையுலகில் ஆழ்ந்த இடம் வைத்திருந்த ரோபோ சங்கரின் மறைவு என்றும் மறக்க முடியாத துன்பமாக இருக்கும். அவரின் குடும்பத்திற்கும் ரசிகர்களுக்கும் ஆறுதல் கிடைக்க பிரார்த்தனை செய்யும் தருணம் இது.

இதையும் படிங்க: என்னவெல்லாம் நடக்குது பாருங்க! குக் வித் கோமாளி ஸ்ருதிகா அறுவை சிகிச்சைக்கு பின் வெளியிட்ட காணொளி!