துக்க வீட்டில் கூட இப்படியா? பாக்கியராஜ் இறுதி சடங்கில் நடந்ததை மனம் விட்டு போட்டு உடைத்த பார்த்திபன்.!!!

தமிழ் திரையுலகின் முக்கிய இயக்குநர்களில் ஒருவரான பாக்யராஜ் மறைவு ரசிகர்களையும் திரையுலகினரையும் ஆழ்ந்த சோகத்தில் ஆழ்த்தியுள்ளது. அவரது இறுதி அஞ்சலி மற்றும் இறுதி ஊர்வல நிகழ்வுகளில் முன்னின்று அனைத்து ஏற்பாடுகளையும் கவனித்த இயக்குநர் பார்த்திபன், அந்த நாளில் தனக்கு ஏற்பட்ட ஒரு கசப்பான அனுபவத்தை தற்போது மனம் திறந்து பகிர்ந்துள்ளார்.

கூட்ட நெரிசலில் கீர்த்தி சுரேஷுக்கு உதவிய பார்த்திபன்

சமீபத்திய பேட்டியில் பேசிய பார்த்திபன், பாக்யராஜின் இறுதி ஊர்வலத்தில் ஏராளமான மக்கள் திரண்டிருந்ததால் ஒரு அடி கூட நகர முடியாத நிலை ஏற்பட்டதாக கூறினார். அப்போது நடிகை கீர்த்தி சுரேஷ் அஞ்சலி செலுத்திவிட்டு வெளியேற முயன்றபோது, கூட்ட நெரிசலால் அவரால் காரை அடைய முடியவில்லை. இதையடுத்து மனிதாபிமான அடிப்படையில், அவரை பாதுகாப்பாக கூட்டத்திலிருந்து அழைத்துச் சென்று காரில் ஏற்றிவிட்டதாக அவர் தெரிவித்தார்.

இதையும் படிங்க: என்னை எல்லாரும் அசிங்கமா பேசுனாங்க! ஷூட்டிங் ஸ்பாட்டில் அழுதேன்... அந்த இடத்தில் விஜய் சார் இல்லன்னா அவ்வளவுதான்! பல வருடத்திற்கு பிறகு உண்மையை போட்டுஉடைத்த நடிகை சோனா..!!!

துக்க நேரத்தில் வந்த கேள்வி

அந்த நேரத்தில் ஏராளமான கேமராக்கள் தங்களைச் சூழ்ந்திருந்ததாக கூறிய பார்த்திபன், அங்கிருந்த ஒருவர் கேட்ட கேள்வி தன்னை மிகவும் வேதனைப்படுத்தியதாக தெரிவித்துள்ளார். “கீர்த்தி சுரேஷை காரில் ஏற்றிக் கொண்டிருந்தபோது, ‘இப்போது திரிஷா வந்தால் என்ன செய்வீர்கள்?’ என்று ஒருவர் கேட்டார். நெருங்கிய ஒருவரை இழந்த துக்கமான சூழலிலும் இப்படிப்பட்ட கேள்வி கேட்க வேண்டுமா என்ற வருத்தம் ஏற்பட்டது,” என்று அவர் கூறியுள்ளார்.

பழைய சர்ச்சையை நினைவுபடுத்திய சம்பவம்

சில மாதங்களுக்கு முன்பு நடிகை திரிஷா குறித்து பேசிய கருத்து சமூக வலைதளங்களில் சர்ச்சையை ஏற்படுத்தியதையும், அதற்காக பின்னர் விளக்கம் அளித்து மன்னிப்பு கேட்டதையும் பார்த்திபன் நினைவுகூர்ந்தார். அந்தப் பழைய விவகாரத்தை மனதில் வைத்து, ஒரு துக்க நிகழ்விலும் பரபரப்பை உருவாக்கும் வகையில் கேள்வி எழுப்பப்பட்டதே தன்னை பாதித்ததாக அவர் தெரிவித்துள்ளார். அவரது இந்த கருத்துக்கு சமூக வலைதளங்களில் பலரும் ஆதரவு தெரிவித்து, துக்க நிகழ்வுகளின் மரியாதையை காக்க வேண்டும் என்ற கருத்தையும் வலியுறுத்தி வருகின்றனர்.

இதையும் படிங்க: ஒன்னும் இல்ல உங்களுக்கு... வீட்டுக்கு நல்லபடியா வருவீங்கன்னு நினைச்சேனே... இப்படி மூச்சு பேச்சின்றி வந்து இருக்கீங்களே! துடிதுடித்து அழுது உடைந்த பூர்ணிமா.. திரையுலகமே கண்ணீர்.!!!