நயன்தாரா என்னப்பா இப்படி ஆகிட்டாங்க? புகைப்படத்தைப் கண்டு மிரண்ட ரசிகர்கள்.. பின்னணி உண்மை இதோ..!!!

நடிகை நயன்தாரா திருப்பதி திருமலை கோயிலில் மொட்டை அடித்ததாகக் கூறி சமூக வலைதளங்களில் பரவிய புகைப்படங்கள் தற்போது பெரும் பரபரப்பை ஏற்படுத்தியுள்ளன. ‘டாக்ஸிக்’ திரைப்படம் வெற்றி பெற வேண்டி அவர் நேர்த்திக்கடன் செலுத்தியதாகவும் தகவல்கள் பரவின. ஆனால், அந்தப் புகைப்படங்கள் உண்மையானவை அல்ல என்பது தற்போது தெரியவந்துள்ளது.

நயன்தாரா மொட்டை அடித்ததாக பரவிய புகைப்படங்கள்

கன்னட நடிகர் யாஷ் நடிப்பில் உருவாகியுள்ள ‘டாக்ஸிக்’ படத்தை முன்னிட்டு நயன்தாரா திருப்பதிக்குச் சென்று மொட்டை அடித்ததாகக் கூறி புகைப்படங்கள் எக்ஸ் உள்ளிட்ட சமூக வலைதளங்களில் வேகமாகப் பரவின. வெள்ளை நிற சுடிதார் அணிந்தபடி மொட்டை அடித்த தோற்றத்தில் அவர் இருப்பது போன்ற அந்தப் படங்கள் ரசிகர்கள் மத்தியில் ஆச்சரியத்தையும் குழப்பத்தையும் ஏற்படுத்தின.

இதையும் படிங்க: ஐயோ.... ஐந்து நாட்களாக பூட்டி கிடந்த வீடு! அக்கம் பக்கத்தினரால் வெளிவந்த உண்மை... இசையமைப்பாளரின் மர்ம சாவு..! அதிர்ச்சி சம்பவம்!!!

இதையடுத்து, திரைப்படத்தின் வெற்றிக்காக நயன்தாரா நேர்த்திக்கடன் செலுத்தியதாக பலரும் பதிவுகளை வெளியிட்டனர். குறிப்பாக, அவர் திருப்பதி கோயிலில் இதுபோன்ற வழிபாட்டை மேற்கொண்டதாக எந்த அதிகாரப்பூர்வ தகவலும் இல்லாத நிலையிலும் வதந்தி வேகமாகப் பரவியது.

பழைய புகைப்படத்தில் நடந்த AI மோசடி

இதுகுறித்து உண்மைத் தன்மையை ஆராய்ந்தபோது வேறு ஒரு தகவல் வெளிச்சத்துக்கு வந்தது. நயன்தாரா கடந்த ஏப்ரல் மாதம் தனது கணவர் விக்னேஷ் சிவனுடன் திருப்பதி கோயிலுக்குச் சென்றபோது எடுக்கப்பட்ட பழைய புகைப்படங்களே இதற்கு அடிப்படையாக இருந்துள்ளன.

அந்தப் புகைப்படங்களை செயற்கை நுண்ணறிவு தொழில்நுட்பம் மூலம் மாற்றி, நயன்தாரா மொட்டை அடித்திருப்பது போல் உருவாக்கியுள்ளனர். இந்த AI போலி புகைப்படங்கள் உண்மையானவை போல சமூக வலைதளங்களில் பகிரப்பட்டதால் ரசிகர்கள் மத்தியில் குழப்பம் ஏற்பட்டது.

வதந்திக்கு முற்றுப்புள்ளி

தொழில்நுட்பத்தைப் பயன்படுத்தி உருவாக்கப்பட்ட படங்கள் எவ்வளவு வேகமாகப் பரவுகின்றன என்பதற்கு இந்த விவகாரமும் மற்றொரு உதாரணமாகியுள்ளது. நயன்தாரா ‘டாக்ஸிக்’ படத்தின் வெற்றிக்காக திருப்பதியில் மொட்டை அடித்ததாக கூறப்பட்ட தகவலுக்கு எந்த ஆதாரமும் இல்லை.

இதனால் சமூக வலைதளங்களில் பரவிய நயன்தாரா மொட்டை புகைப்படம் உண்மையானது அல்ல என்பது தெளிவாகியுள்ளது. பழைய புகைப்படத்தை மாற்றி உருவாக்கப்பட்ட AI படமே வதந்திக்கு காரணம் என்பதும் உறுதி செய்யப்பட்டுள்ளதால், இந்த விவகாரம் தொடர்பான குழப்பம் தற்போது முடிவுக்கு வந்துள்ளது.

இதையும் படிங்க: ஷாக் நியூஷ்! மூத்த தயாரிப்பாளர் ஜியோ குட்டப்பன் காலமானார்.... திரையுலகத்தில் பெரும் சோகம்!!!