ஒருவழியாக திருமணத்திற்கு நாள் குறித்த நயன்தாரா- விக்னேஷ் சிவன்! அதுவும் எப்போ? எங்கே தெரியுமா?

தமிழ் சினிமாவில் பல உச்ச பிரபலங்களுடன் இணைந்து   ஏராளமான திரைப்படங்களில் நடித்து தற்போது தென்னிந்திய சினிமாவில் டாப் ஹீரோயின்களில் ஒருவராக, லேடி சூப்பர் ஸ்டாராக கொடிகட்டி பறப்பவர் நடிகை நயன்தாரா. இவருக்கு விஜய், அஜித் போன்ற முன்னணி ஹீரோக்களுக்கு இணையாக பெரும் ரசிகர்கள் பட்டாளமே உள்ளது. நடிகை நயன்தாரா விஜய் சேதுபதி மற்றும் சமந்தாவுடன் இணைந்து நடித்த காத்து வாக்குல ரெண்டு காதல் திரைப்படம் அண்மையில் வெளியாகி திரையரங்குகளில் வெற்றிகரமாக ஓடிக்கொண்டிருக்கிறது.

நடிகை நயன்தாரா நானும் ரவுடிதான் என்ற படத்தில் நடித்தபோது அதன் இயக்குனர் விக்னேஷ் சிவனுடன் காதலில் விழுந்தார். அதனைத் தொடர்ந்து கடந்த 7 ஆண்டுகளாக இருவரும் தீவிரமாக காதலித்து வருகின்றனர். மேலும் இருவரும் அடிக்கடி கோவிலுக்கு செல்வது, சுற்றுலா செல்வது என மிகவும் நெருக்கமாக பிசியாக இருந்து வருகின்றனர். மேலும் அந்தப் புகைப்படங்களையும் அவர்கள் சமூக வலைதளங்களில் பகிர்ந்து வருகின்றனர்.

மேலும் இருவருக்கும் நிச்சயதார்த்தம் முடிந்துவிட்டதாகவும் கூறப்படுகிறது. இதற்கிடையில் நயன்தாரா மற்றும் விக்னேஷ் சிவனுக்கு திருமணம் எப்போது என ரசிகர்கள் தொடர்ந்து கேள்வியெழுப்பி வந்தனர். இந்த  நிலையில் தற்போது நடிகை நயன்தாராவுக்கும், இயக்குனர் விக்னேஷ் சிவனுக்கும் வருகிற ஜூன் மாதம் 9-ந் தேதி  திருப்பதியில் திருமணம் நடைபெற உள்ளதாக தகவல்கள் வெளிவந்துள்ளது. மேலும் அவர்கள் இருவரும் இன்று திருப்பதியில் சாமி தரிசனம் செய்துவிட்டு தங்களது திருமண ஏற்பாடுகளை பார்வையிட்டதாகவும் கூறப்படுகிறது.