தனுஷ் படத்தில் இணைந்த தெலுங்கு சூப்பர் ஸ்டார்.. படக்குழு அதிகாரப்பூர்வ அறிவிப்பு.!

தனுஷின் 51வது படத்தில் தெலுங்கு சூப்பர் ஸ்டார் நடிகர் நாகார்ஜூனா நடிக்க உள்ளதாக படக்குழு அறிவித்துள்ளது.

தமிழ் சினிமாவில் பிரபல நடிகராக இருப்பவர் தனுஷ். இவர் இயக்குனர் அருண் மாதேஸ்வரன் இயக்கத்தில் கேப்டன் மில்லர் என்ற திரைப்படத்தில் நடித்து முடித்துள்ளார். இந்த படத்தில் பிரியங்கா அருள் மோகன், சிவராஜ்குமார், சந்தீப் கிசான் உள்ளிட்ட திரை பிரபலங்கள் பலரும் நடித்துள்ளனர்.

இதனைத் தொடர்ந்து சன் பிக்சர்ஸ் தயாரிப்பில் நடிகர் தனுஷ் இயக்கி நடிக்க உள்ளார். இதனிடையே தனுஷின் 51 வது படத்தை தெலுங்கு இயக்குனர் சேகர் கம்முலா இயக்க உள்ளார்.

இன்னும் பெயரிடப்படாத தனுஷின் 51 வது திரைப்படம் தமிழ், தெலுங்கு, ஹிந்தி என பான் இந்திய திரைப்படமாக வெளியாக உள்ளது. இந்த நிலையில் இந்த படத்தில் பிரபல தெலுங்கு நடிகர் நாகார்ஜூனா நடிக்கவுள்ளதாக படக்குழு அறிவித்துள்ளது. மேலும், இந்த படத்தில் தனுஷ்க்கு ஜோடியாக ராஷ்மிகா மந்தனா நடிக்க உள்ளார் என்பது குறிப்பிடத்தக்கது.