லியோ வெற்றியால் டபுள் மடங்கு உயர்வு.! கூலி படத்திற்காக இயக்குனர் லோகேஷ் கனகராஜ் வாங்கிய சம்பளம் எவ்வளவு தெரியுமா??

தமிழ் சினிமாவில் பிரபலமடைந்த முன்னணி இயக்குனராக வலம் வருபவர் லோகேஷ் கனகராஜ். அவர் சூப்பர் ஸ்டார் ரஜினியுடன் கூட்டணியில் இணைந்து உருவாக்கியுள்ள திரைப்படம் கூலி. இப்படத்தில் அமீர்கான், சத்யராஜ், நாகர்ஜுனா, பகத் பாசில், சௌபின் ஷாஹிர், ஸ்ருதிஹாசன், ரெபா மோனிகா ஜான் உள்ளிட்ட பலரும் நடித்துள்ளனர்.

இப்படத்திற்கு அனிருத் இசையமைத்துள்ளார். அவரது இசையில் உருவான மோனிகா பாடல் அண்மையில் வெளியாகி இணையத்தில் பெருமளவில் வைரலாகி வருகிறது. ரசிகர்கள் பெரிதும் எதிர்பார்க்கும் கூலி திரைப்படம் ஆகஸ்ட் 14ஆம் தேதி திரையரங்குகளில் வெளியாக உள்ளது. இதற்கிடையில் படத்தின் டிரைலர் ஆகஸ்ட் 2 ஆம் தேதி வெளியாகும் எனவும் அறிவிக்கப்பட்டுள்ளது.

இந்நிலையில் அண்மையில் நேர்காணல் ஒன்றில் கலந்து கொண்ட லோகேஷ் கனகராஜ் பல சுவாரஸ்யமான தகவல்களை பகிர்ந்துள்ளார். அப்பொழுது அவர், கூலி திரைப்படத்தில் என்னுடைய சம்பளம் 50 கோடி ரூபாய். இரண்டு வருடங்களாக நான் செய்த கடின உழைப்பிற்கு கிடைத்த ஊதியம். மேலும் இது லியோ படத்திற்காக நான் வாங்கிய சம்பளத்தை விட இரண்டு மடங்கு அதிகம் என ஓபன்னாக கூறியுள்ளார். 

இதையும் படிங்க: முத்து மீனாவை நேருக்கு நேர் சந்தித்து இருவரும் கண்ணாலையே பேசிக்கொள்ளும் ரொமான்டிக் காட்சி! சிறக்கடிக்க ஆசை ப்ரோமோ....

இதையும் படிங்க: சிறகடிக்க ஆசை சீரியலில் நடிக்கும் நடிகர்கள் எவ்வளவு சம்பளம் வாங்குகிறார்கள் தெரியுமா! அதிக சம்பளம் வாங்குவது யாருன்னு பாருங்க!