10 வருஷமா அது இல்லாமல் நான் தனியாக தான் இருக்கேன்....! என் குழந்தைகளை விட அது முக்கியம் இல்ல... சீக்ரெட்டை போட்டு உடைத்த ஏஞ்சலினா ஜூலி..!!,

ஹாலிவுட்டின் பிரபல நடிகை ஏஞ்சலினா ஜூலி, பிராட் பிட்டுடன் விவாகரத்துக்குப் பிறகான தனது தனிப்பட்ட வாழ்க்கை குறித்து மனம் திறந்து பேசியுள்ளார். கடந்த 10 ஆண்டுகளாக யாருடனும் டேட்டிங் செய்யவில்லை என்றும், தனது முழு கவனமும் குழந்தைகளின் வளர்ப்பில்தான் இருப்பதாகவும் அவர் தெரிவித்துள்ளார்.

விவாகரத்துக்குப் பிறகும் தொடர்ந்த கவனம்

ஏஞ்சலினா ஜூலி மற்றும் பிராட் பிட் உலகம் முழுவதும் ரசிகர்களால் கொண்டாடப்பட்ட நட்சத்திர ஜோடியாக இருந்தனர். நீண்ட கால உறவுக்குப் பிறகு 2014-ஆம் ஆண்டு திருமணம் செய்துகொண்ட இருவரும், கருத்து வேறுபாடுகள் காரணமாக 2016-ஆம் ஆண்டு விவாகரத்து கோரி நீதிமன்றத்தை நாடினர். அதன்பின்னர் குழந்தைகள் பாதுகாப்பு உள்ளிட்ட பல்வேறு சட்ட விவகாரங்கள் சர்வதேச அளவில் பேசுபொருளாகின.

“10 ஆண்டுகளாக நான் சிங்கிள்தான்”

சமீபத்தில் அளித்த பேட்டியில், “கடந்த பத்து ஆண்டுகளாக நான் சிங்கிளாகவே இருக்கிறேன். அது எனக்கு பெரிய விஷயமாகவோ அல்லது முக்கியமான ஒன்றாகவோ தோன்றவில்லை” என்று ஏஞ்சலினா ஜூலி தெரிவித்துள்ளார். அவரது இந்த கருத்து சமூக வலைதளங்களில் பரவலாக பகிரப்பட்டு வருகிறது.

இதையும் படிங்க: நான் ஒரு லெஸ்பியன்..? நெருக்கமான பெண் தோழிகள் இருந்ததால் தான் மீண்டேன்! 'நாகினி' மௌனி ராய் பகிரங்க வாக்குமூலம்..!!!

குழந்தைகளே முதல் முன்னுரிமை

தனது முடிவுக்கான காரணத்தை விளக்கிய அவர், “ஒரு தாயாக என் குழந்தைகளைப் பராமரிப்பதே என் மிகப்பெரிய பொறுப்பு. அவர்களின் பாதுகாப்பு, வளர்ச்சி மற்றும் எதிர்காலம் மீது முழு கவனத்தையும் செலுத்தி வருகிறேன். என் குழந்தைகளை விட வேறு எதுவும் எனக்கு முக்கியமில்லை. அதனால் என் தனிப்பட்ட வாழ்க்கைக்கு முக்கியத்துவம் கொடுக்கவில்லை” என்று கூறியுள்ளார்.

குழந்தைகளின் நலனையே வாழ்க்கையின் மையமாக வைத்து வாழ்ந்து வருவதாக ஏஞ்சலினா ஜூலி தெரிவித்துள்ள இந்த பேட்டி, ரசிகர்கள் மத்தியில் பரவலான கவனத்தை ஈர்த்துள்ளது.

இதையும் படிங்க: நடிகை சிம்ரனின் தங்கை மோனலின் மர்ம மரணம்! பல ஆண்டு கேள்விக்கு கிடைத்த பதில்... இவர் தான் காரணமா? சிம்ரன் போட்டு உடைத்த அந்த அதிர்ச்சி உண்மை.!!!