சோதனைகளை தாண்டி லண்டனில் மகன் பெற்ற சாதனை! பெற்ற அப்பாவே தடையா? கணவருக்கு ஆப்பு வைத்த ஆர்த்தி...!!!
லண்டனில் மேற்படிப்பை வெற்றிகரமாக முடித்த மூத்த மகன் ஆரவின் சாதனையை நடிகர் ரவி மோகனின் மனைவி ஆர்த்தி பெருமையுடன் பகிர்ந்துள்ளார்.
by
நடிகர் ரவி மோகனிடமிருந்து பிரிந்த பிறகு, தனது இரு மகன்களின் எதிர்காலத்தில் முழு கவனத்தையும் செலுத்தி வருகிறார் ஆர்த்தி. குடும்ப வாழ்க்கையில் பல சவால்களைச் சந்தித்தாலும், பிள்ளைகளின் வளர்ச்சிக்கும் கனவுகளுக்கும் துணையாக இருந்து வருகிறார். இந்த நிலையில், அவரது மூத்த மகன் ஆரவ் லண்டனில் மேற்படிப்பை வெற்றிகரமாக முடித்துள்ளார்.
லண்டனில் மேற்படிப்பை முடித்த ஆரவ்
ஆரவ் தனக்குப் பிடித்த துறையில் லண்டனில் உயர்கல்வி பயின்று வந்தார். தற்போது படிப்பை வெற்றிகரமாக நிறைவு செய்துள்ள அவருக்கு, கல்வி நிலையத்தில் கூடியிருந்தவர்கள் எழுந்து நின்று கைதட்டி பாராட்டு தெரிவித்துள்ளனர். மகனின் இந்தச் சாதனையைப் பார்த்து ஆர்த்தி மிகுந்த மகிழ்ச்சியும் பெருமிதமும் அடைந்துள்ளார்.
இதையும் படிங்க: "மூக்குத்தி அம்மன் 2 " தோற்றத்தில் நடிகை நயன்தாரா செய்த காரியம்..! வைரல் சம்பவம்...!!!
மகனின் தன்னம்பிக்கை குறித்து ஆர்த்தி நெகிழ்ச்சி
ஆரவின் வெற்றி குறித்து சமூக வலைதளத்தில் பதிவிட்டுள்ள ஆர்த்தி, குழந்தைகளின் கனவுகளுக்குத் துணையாக இருக்க வேண்டியவர்களே சில நேரங்களில் தடையாக மாறலாம் என்று குறிப்பிட்டுள்ளார். ஆனால், தன் மீதும் தனது இலக்குகள் மீதும் நம்பிக்கை வைத்திருக்கும் ஒரு குழந்தையின் மனவலிமையை யாராலும் உடைக்க முடியாது என்றும் தெரிவித்துள்ளார்.
வாழ்க்கைச் சோதனைகளைத் தாண்டிய மகனின் சாதனை
வாழ்க்கையில் எதிர்கொள்ளும் சோதனைகளும் புயல்களும் நிரந்தரமானவை அல்ல என்றும், அவை கடந்து போகும் என்றும் ஆர்த்தி தனது பதிவில் கூறியுள்ளார். ஆரவின் விடாமுயற்சியும் தன்னம்பிக்கையும் தனக்குப் பெருமை அளிப்பதாகவும், மகனின் வளர்ச்சியை ஒரு தாயாக மகிழ்ச்சியுடன் கொண்டாடுவதாகவும் அவர் நெகிழ்ச்சியுடன் பகிர்ந்துள்ளார்.
