BREAKING: ஹாப்பி நியூஸ்! மீண்டும் குறைந்த தங்கம் விலை! இன்றைய தங்கம் விலை நிலவரம்...!
சென்னையில் இன்று தங்கம் விலை சவரனுக்கு ரூ.1,800 குறைந்து ரூ.88,800 ஆக சரிந்தது. திடீர் விலை குறைவால் நகை பிரியர்கள் மகிழ்ச்சி அடைந்துள்ளனர்.
- Oct 30, 2025 10:02:49 AM
by
Web Team
- #தமிழகம் #வர்த்தகம்
இந்தாண்டு தொடக்கம் முதலே தொடர்ந்து உயர்வை சந்தித்த தங்கம் விலை, இன்று திடீரெனக் குறைந்து நகை பிரியர்களுக்கு சற்றே நிம்மதியை அளித்துள்ளது. பல மாதங்களாக உச்சத்திலேயே விற்பனையாகிய தங்கம் விலை இன்று கணிசமாக சரிந்துள்ளது.
தங்கம் விலை உயர்வின் பின்னணி
இந்த ஆண்டின் தொடக்கத்தில் தங்கம் விலை தாறுமாறாக உயர்ந்து வந்தது. இடையிடையே சற்று குறைந்தாலும், புதிய உச்சங்களை எட்டியதால் மக்கள் கதி கலங்கினர். கடந்த ஆகஸ்ட் மாதம் சவரன் தங்கம் ரூ.73,000 ஆக இருந்த நிலையில், சில வாரங்களில் ரூ.75,760 வரை உயர்ந்தது.
இதையும் படிங்க: நகை வாங்கணுமா! கடைக்கு ஓடுங்க...இன்று கொஞ்சம் குறைந்தது! நாளை என்னவோ! இன்றைய தங்கம் விலை நிலவரம்!
சமீப நாட்களில் விலை மாற்றங்கள்
கடந்த வாரங்களில் தங்கம் விலை மாற்றமடைந்து வந்தது. திங்கட்கிழமை சற்று குறைந்த நிலையில் இருந்த தங்கம், செவ்வாய்க்கிழமை ரூ.640 குறைந்தது. புதன்கிழமையும் 22 கேரட் ஆபரணத் தங்கம் சவரனுக்கு ரூ.84,320க்கு விற்பனையாகியது. ஆனால் வியாழனும் வெள்ளியன்றும் விலை மீண்டும் உயர் நிலைக்குச் சென்றது.
இன்றைய தங்கம் விலை நிலவரம்
இன்று சென்னையில் தங்கம் விலை பெரிய அளவில் சரிந்துள்ளது. 22 கேரட் ஆபரணத் தங்கம் சவரனுக்கு ரூ.1,800 குறைந்து ரூ.88,800 ஆக விற்பனையாகிறது. ஒரு கிராம் தங்கம் ரூ.11,100 என நிர்ணயிக்கப்பட்டுள்ளது. அதேசமயம், 24 கேரட் தங்கம் ஒரு கிராம் ரூ.12,109 மற்றும் ஒரு சவரன் ரூ.96,872 என விற்பனையாகிறது.
வெள்ளி விலை நிலவரம்
தங்கத்துடன் சேர்ந்து வெள்ளி விலையும் சிறு மாற்றத்துடன் நிலைத்துள்ளது. இன்று சென்னையில் ஒரு கிராம் வெள்ளி ரூ.165, ஒரு கிலோ ரூ.1,65,000 என விற்பனை செய்யப்படுகிறது.
திடீரென தங்கம் விலை சரிவு ஏற்பட்டிருப்பதால், நகை வியாபாரிகளும் பொதுமக்களும் மகிழ்ச்சி அடைந்துள்ளனர். அடுத்த சில நாட்களில் விலை மேலும் குறையுமா என அனைவரும் ஆர்வத்துடன் கவனித்து வருகின்றனர்.
இதையும் படிங்க: குட் நியூஸ்! ஒரே நாளில் ரூ.880 க்கு குறைந்த தங்கம் விலை! இன்றைய தங்கம் விலை நிலவரம் இதோ....
