#Breaking: மாதத்தின் முதல் நாள்.. பெட்ரோல், டீசல் விலை., சிலிண்டர் விலை நிலவரம் என்ன? விபரம் இதோ.!

நவம்பர் மாதத்தில் வணிக பயன்பாட்டுக்கான சிலிண்டர் விலை ரூ.4.50 குறைந்துள்ளது.

ஒவ்வொரு மாதம் முதல் தேதியில் எண்ணெய் & எரிவாயு விற்பனை நிறுவனங்கள் சார்பில் சமையல் கியாஸ் சிலிண்டர் விலை  என்பது மாற்றம் செய்து அறிவிக்கப்படும். இந்த அறிவிப்பின் மூலமாக, ஒவ்வொரு மாதத்திலும் சமையல் சிலிண்டர் எரிவாயு விலை என்பது ஏற்ற இறக்கத்துடன் இருக்கும். ஆனால், கடந்த பல மாதங்களாகவே வீட்டு உபயோகத்துக்கான சிலிண்டர் விலை என்பது, மாற்றங்கள் இல்லாமல் இருந்து வருகிறது. 

விலை மாற்றம் எதிர்பார்ப்பு:

மத்திய அரசின் நிலைப்பாடு காரணமாக இந்த விலையில் மாற்றம் இல்லை. அதே நேரத்தில், கடைகள் மற்றும் வணிக நிறுவனங்களில் பயன்படுத்தப்படும் எரிவாயு விலை என்பது மாற்றத்துடன் நீடிக்கிறது. 2025 நவம்பர் மாதத்துக்கான சிலிண்டர் விலை இறக்கத்துடன் இருக்கலாம் என முன்னதாக கணிக்கப்பட்டு இருந்தது. மாற்றமே இன்றி தொடர்ந்து வரும் வீட்டு பயன்பாட்டுக்கான சிலிண்டர் விலையும் ரூ.20 வரை குறையலாம் என எதிர்பார்க்கப்பட்டது.

இதையும் படிங்க: சமையல் எரிவாயு விலை குறைவு: மாதம் முதல்நாளே மகிழ்ச்சி செய்தி..!

நவம்பர் மாதம் சிலிண்டர் விலை:

இந்நிலையில், இன்றைய பெட்ரோல் விலை லிட்டருக்கு ரூ.100.50 க்கும், டீசல் ரூ..92.39 க்கும், CNG ரூ.91.50 க்கும் விற்பனை செய்யப்படுகிறது. நவம்பர் மாதத்துக்கான 19 கிலோ எடையுள்ள வணிக சிலிண்டரின் விலை ரூ.4.50 குறைக்கப்பட்டு, ரூ.1750 க்கு விற்பனை செய்யப்படுகிறது. வீட்டு உபயோக சிலிண்டருக்கான விலையில் ரூ.20 வரை மாற்றம் இருக்கலாம் என எதிர்பார்க்கப்பட்ட நிலையில், அது மாற்றமின்றி ரூ.868.50 க்கு விற்பனை செய்யப்படுகிறது.

இதையும் படிங்க: ஹாப்பி நியூஸ்! அதிரடியாக குறைந்த வணிக சமையல் எரிவாயு சிலிண்டர் விலை!