இனி கனவுல தான் தங்கம்....தாறு மாறாக உயர்ந்த தங்கம் விலை! இன்றைய தங்கம் விலை நிலவரம் இதோ....!

தமிழகத்தில் தங்கம் மற்றும் வெள்ளி விலைகள் மீண்டும் பெரும் உயர்வை சந்தித்துள்ளதால் நகை வாங்குவோர் குழப்பத்தையும் கவலையையும் எதிர்கொள்கிறார்கள். கடந்த சில நாட்களாக தொடர்ச்சியாக உயர்ந்து வரும் விலைகள், சந்தையை மேலும் பரபரப்பாக்கியுள்ளது.

சென்னையில் தங்கம் விலை இன்று மீண்டும் உயர்வு

நேற்று சவரனுக்கு ரூ.1600 வரை திடீர் உயர்வைச் சந்தித்த தங்க விலை, இன்று மீண்டும் உயர்ந்துள்ளது. 22 கேரட் ஆபரண தங்கத்தின் விலை சவரனுக்கு ரூ.640 உயர்ந்ததன் மூலம், ஒரு சவரன் ரூ.94,400 ஆகவும், ஒரு கிராம் ரூ.11,800 ஆகவும் விற்பனை செய்யப்படுகிறது.

வெள்ளி விலையும் அதிகரிப்பு

தங்கத்துடன் வெள்ளி விலையும் ஏற்றத்தைப் பதிவு செய்துள்ளது. கிராமுக்கு ரூ.2 அதிகரிப்புடன் ஒரு கிராம் ரூ.176 எனவும், ஒரு கிலோ வெள்ளி ரூ.1,76,000 எனவும் விற்பனை செய்யப்படுகிறது. இதன் காரணமாக வெள்ளி முதலீட்டாளர்களும் விலையியல் மாற்றங்களை கவனித்து வருகின்றனர்.

விலையேற்றம் நகை பிரியர்களுக்கு அதிர்ச்சி

தங்கம் விலை தொடர்ந்து உயர்ந்து வரும் நிலையில், வரவிருக்கும் பண்டிகை மற்றும் திருமண காலத்தை முன்னிட்டு நகை வாங்க திட்டமிட்டிருந்த பொதுமக்கள் பெரும் சிரமத்தை எதிர்கொள்கிறார்கள். திடீரென ஏற்பட்ட இந்த விலை ஏற்றம் நகை சந்தையில் வாங்குபவர்களின் எண்ணிக்கையையும் பாதித்துள்ளதாக நகை விற்பனையாளர்கள் தெரிவிக்கின்றனர்.

சந்தை நிலவரத்தைப் பொறுத்து தங்கம்–வெள்ளி விலை மேலும் எப்படி மாறும் என்பதை நுகர்வோரும் வியாபாரிகளும் ஆவலுடன் கவனித்து வருகின்றனர்.