Bigg Boss: அன்று பிக்பாஸாக இருந்தவர் இன்று போட்டியாளராக பிக்பாஸ் வீட்டில்! அது யார் தெரியுமா?

பிக் பாஸ் தமிழ் நிகழ்ச்சியில் ஒவ்வொரு வாரமும் புதிய திருப்பங்கள் ரசிகர்களின் கவனத்தை ஈர்த்து வரும் நிலையில், இந்த வாரம் நடந்த ஒரு முக்கிய சம்பவம் வீட்டுக்குள் பெரும் பரபரப்பை ஏற்படுத்தியுள்ளது. டாஸ்க் தோல்வி காரணமாக வீட்டுத் தலைவர் தண்டனை பெறுவது பார்வையாளர்களிடையே அதிக பேசுபொருளாக மாறியுள்ளது.

பிக் பாஸ் வீட்டில் சிறை தண்டனை

பிரபல ரிவியில் ஒளிபரப்பாகி வரும் பிக் பாஸ் நிகழ்ச்சியில் தற்போது 13 போட்டியாளர்கள் பங்கேற்று வருகின்றனர். இதில் விக்ரம் மற்றும் வினோத் தவிர, மற்ற 11 பேர் இந்த வார நாமினேஷனில் இடம் பெற்றுள்ளனர். இந்த வார வீட்டுத் தலைவராக இருந்த வினோத், கொடுக்கப்பட்ட டாஸ்க்கை சரியாக நிறைவேற்றாததாக கூறி சாண்ட்ராவுடன் சேர்ந்து சிறைக்கு அனுப்பப்பட்டுள்ளார்.

சிறையில் சாண்ட்ராவின் ஆதிக்கம்

சிறைக்குள் சென்றதும் சாண்ட்ரா தனது பேச்சுத் திறனை வெளிப்படுத்த ஆரம்பித்துள்ளார். அவரது வார்த்தைகளில் சிக்கி வினோத் தடுமாறும் காட்சிகள் ரசிகர்களின் கவனத்தை பெற்றுள்ளன. இந்த சூழ்நிலை வீட்டிற்குள் புதிய சமன்பாடுகளை உருவாக்கும் என எதிர்பார்க்கப்படுகிறது.

இதையும் படிங்க: ஓ... இதுக்கா! வெளிவந்த விஜயாவின் ரகசியம்! முத்துவின் அதிரடி செயல்! சிறகடிக்க ஆசை புரொமோ...

விஜய் சேதுபதி கண்டிப்பாரா?

70 நாட்கள் கடந்தும் வெற்றியாளர் யார் என்பதைக் கணிக்க முடியாத நிலையில் போட்டி தீவிரமாகி வருகிறது. கம்ருதின் மற்றும் பார்வதி ஆகியோரின் செயல்பாடுகள் எல்லை மீறுவதாக இருப்பதால், இந்த வாரம் விஜய் சேதுபதி அவர்களை கண்டிப்பாரா என்ற கேள்வி ரசிகர்களிடையே எழுந்துள்ளது.

வைல்டு கார்டு அமித்தின் வாழ்க்கை அனுபவம்

வைல்டு கார்டு போட்டியாளர்களில் ஒருவரான அமித் தனது வாழ்க்கைப் பயணத்தை பகிர்ந்து கொண்டார். திக்குவாய் பிரச்சினையால் அதிகமாக பாதிக்கப்பட்டதாகவும், டப்பிங் பணிகளில் ஈடுபட்டதாகவும் அவர் தெரிவித்தார். மேலும் கன்னட பிக் பாஸ் சீசன் 2-ல் பிக் பாஸாக இருந்த அனுபவத்தையும் பகிர்ந்துள்ளார்.

பல முயற்சிகள் பலனளிக்காத நிலையில், படிப்பே தன்னை மன அழுத்தத்திலிருந்து மீட்டெடுத்ததாக அமித் கூறியுள்ளார். இவ்வாறு போட்டியாளர்களின் தனிப்பட்ட அனுபவங்களும், வீட்டிற்குள் நடக்கும் சம்பவங்களும் பிக் பாஸ் தமிழ் நிகழ்ச்சியை மேலும் சுவாரஸ்யமாக மாற்றி வருகிறது.

இதையும் படிங்க: Bigg Boss 9: குறும்படத்தை பார்த்ததும் தொங்கிய முகம்! சரமாறியாக தாக்கும் போட்டியாளர்கள்....